Хөгжлийн бэрхшээлтэй иргэд байгууллагуудын “Шүхэр” нэгдсэн бодлогын ерөнхий зөвлөл, Хөгжлийн бэрхшээлтэй хүний эрхийг хамгаалах үндэсний зөвлөлөөс хамтран зохион байгуулсан “Гарц шийдэл” хэлэлцүүлгийн үеэр ОБЕГ-ын Урьдчилан сэргийлэх газрын ахлах мэргэжилтэн, дэд хурандаа Ж.Болдбаатар “Гамшгаас урьдчилсан сэргийлэх болон гамшигт өртсөн үед хөгжлийн бэрхшээлтэй иргэнд үзүүлэх зааварчилгаа танилцуулга” сэдвээр илтгэл танилцууллаа. 

Энэ сарын 10-11-ны өдрүүдэд болсон тус хэлэлцүүлэгт ХЗДХЯ болон харьяа байгууллагууд, ОБЕГ,  ЦЕГ болон Дүүргийн Цагдаагийн газар, ХЭҮК, ХЭҮТ, ХБХЭХҮЗ,  Хөгжлийн бэрхшээлтэй иргэний нийгмийн байгууллагуудын төлөөлөл оролцсон байна.

Оролцогчид Хөгжлийн бэрхшээлтэй хүний эрхийн тухай хууль, Хөгжлийн бэрхшээлтэй хүний эрхийн тухай НҮБ-ын конвенцийн хэрэгжилт, эрх, эрх зүйн орчин, дэд бүтэц, хүртээмжийн талаар хэлэлцүүлэг өрнүүлж, санал зөвлөлдлөө.