Цаг агаар:

Өнгөрсөн хоногт: Дархан-Уул, Өмнөговь аймагт цас орсон. Бусад нутгаар цаг агаар тогтуун байлаа.

Өнөөдөр: Нутгийн хойд хэсгээр үүлэрхэг, бусад нутгаар багавтар үүлтэй. Увс нуурын хотгор Хөвсгөл, Хэнтийн уулархаг нутаг болон Дорнод-Монголын тал нутгаар цас орно. Бусад нутгаар цас орохгүй. Салхи ихэнх нутгаар баруун хойноос 5-10 м/с, говь, тал, хээрийн нутгаар 12-14 м/с хүрч ширүүснэ. Дархадын хотгор, Завхан голын эх, Идэр, Тэс, Байдраг голын хөндийгөөр -16…-21 градус, Увс нуурын хотгор болон Эг, Үүр, Орхон, Сэлэнгэ, Хараа, Ерөө, Хэрлэн, Онон, Улз, Халх голын хөндийгөөр -10…-15 градус, Хангайн нурууны өвөр бэл, говийн бүс нутгийн баруун өмнөд хэсгээр -1...-6 градус, бусад нутгаар -6...-11 градус хүйтэн байна.

Улаанбаатар хотод: Үүлшинэ, цас орохгүй, салхи баруун хойноос 5-10 м/с, -8…-10 градус хүйтэн байна.

Төлөв байдал: 06-нд төв болон говийн аймгуудын нутгийн зарим газраар, 08-нд баруун аймгуудын нутгийн хойд хэсгээр, 9-нд баруун болон төвийн аймгуудын нутгийн хойд хэсгээр цас орж, зөөлөн цасан шуурга шуурна. Салхи ихэнх хугацаанд 5-10 м/с, 6-нд говь, тал, хээрийн нутгаар, 9-нд Алтайн салбар уулсаар 12-14 м/с хүрч ширүүснэ. 6-наас 10-ны хооронд Дархадын хотгор болон Завхан голын эх, Хүрэнбэлчир орчмоор шөнөдөө -30...-35 градус, өдөртөө -16...-21 градус, Хангай, Хөвсгөл, Хэнтийн уулархаг нутаг, Идэр, Эг, Үүр, Ерөө, Туул, Тэрэлж, Хэрлэн, Онон, Улз, Халх голын хөндий, Дарьгангын тал нутгаар шөнөдөө -23...-28 градус, өдөртөө -12...-17 градус, Их нууруудын хотгор, говийн бүс нутгийн баруун өмнөд хэсгээр шөнөдөө -12...-17 градус, өдөртөө -3…-8 градус, бусад нутгаар шөнөдөө -17…-22 градус, өдөртөө -8...-13 градус хүйтэн байна.

Гал түймэр:

Хэнтий аймгийн Хэрлэн сумын Булаг багт ачааны автомашин шатаж байна гэсэн дуудлагыг 12.04-ний өдрийн 08:13 цагт хүлээн авсан. Тус аймгийн Онцгой байдлын газрын 32 дугаар ангийн алба хаагчдыг очиход иргэн Н-ийн “Истана” загварын бага оврын ачааны автомашин шатаж байсныг ажиллаж унтраасан. 

Нийслэлийн Хан-Уул дүүргийн 19 дүгээр хороонд хог шатаж байна гэсэн дуудлагыг 12.04-ний өдрийн 14:05 цагт хүлээн авсан. Тус дүүргийн Онцгой байдлын хэлтсийн 14 дүгээр ангийн алба хаагчид ажиллаж унтраасан. 

Ховд аймгийн Жаргалант сумын Буянт багт хог шатаж байна гэсэн дуудлагыг 12.04-ний өдрийн 14:40 цагт хүлээн авсан. Тус аймгийн Онцгой байдлын газрын 48 дугаар ангийн алба хаагчид ажиллаж унтраасан.

Архангай аймгийн Эрдэнэбулган сумын Бор толгой багт байшин шатаж байна гэсэн дуудлагыг 12.04-ний өдрийн 17:37 цагт хүлээн авсан. Тус аймгийн Онцгой байдлын газрын 51 дүгээр ангийн алба хаагчид очиход иргэн С-ийн 5х5 метрийн хэмжээтэй байшингийн дээврийн хэсэг шатаж байсныг ажиллаж унтраасан.

Дорнод аймгийн Хэрлэн (Сүмбэр) сумын 10 дугаар багт гэр шатаж байна гэсэн дуудлагыг 12.04-ний өдрийн 17:40 цагт хүлээн авсан. Тус аймгийн Онцгой байдлын газрын 52 дугаар ангийн алба хаагчдыг очиход иргэн И-гийн 4 ханатай гэр шатаж байсныг ажиллаж унтраасан.

Нийслэлийн Чингэлтэй дүүргийн 11 дүгээр хороонд цахилгаан түгээх под станц шатаж байна гэсэн дуудлагыг 12.04-ний өдрийн 19:17 цагт хүлээн авсан. Тус дүүргийн Онцгой байдлын хэлтсийн 10 дугаар ангийн алба хаагчдыг очиход цахилгаан хуваарилах байгууламж шатаж байсныг ажиллаж унтраасан.  

Сонгинохайрхан дүүргийн 2 дугаар хороонд байшингийн дээвэр шатаж байна гэсэн дуудлагыг 12.04-ний өдрийн 21:59 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход иргэн Д-гийн 9х6 метрийн хэмжээтэй байшингийн дээвэр хэсэг шатаж байсныг ажиллаж унтраасан.  

Геологийн гаралтай аюулт үзэгдэл:

Газар хөдлөлт: Хөвсгөл аймгийн Ханх сумын Турт багийн “Той шивдэг” гэдэг газар  /аймгийн төвөөс баруун урд  зүгт 286 км-т, сумын төвөөс зүүн зүгт 10 км-т, 51°32'24.0"N 100°47'24.0"E/ 12.05-ны өдрийн 06:16:56 цагт 5.2 магнитудын хүчтэй газар хөдлөлт болсон тухай мэдээллийг 12.05-ны өдрийн 06:27 цагт ООГХ-ээс хүлээн авсан. Тус аймгийн Онцгой байдлын газраар дамжуулан Ханх сумын Иргэдийн хурлын дарга, Ханх сум дахь аврах бүлгийн дарга, малчин нараас тодруулахад газар хөдлөлтийн  чичирхийлэл иргэдэд хүчтэй мэдрэгдсэн. 07:16 цагийн байдлаар учирсан хохиролгүй тухай мэдээлсэн. 

Бусад төрлийн осол /ажиллагаа: Нийслэлийн Сонгинохайрхан дүүргийн 14 дүгээр хороонд бага насны хүүхэд гэртээ ганцаараа цоожлогдсон тухай дуудлагыг 12.04-ний өдрийн 12:01 цагт хүлээн авсан. Нийслэлийн Аврах ангийн алба хаагчдыг очиход Б /1 нас 9 сартай, эрэгтэй/ цоожлогдсон байсныг ажиллаж хаалгыг онгойлгож өгсөн.  

ОНЦГОЙ БАЙДЛЫН ЕРӨНХИЙ ГАЗАР