Цогтцэций сум дахь Онцгой байдлын хэлтэс шинэ байртай боллоо
Өмнөд бүсийн төв-Өмнөговь аймгийн Онцгой байдлын газрын Цогтцэций сум дахь Онцгой байдлын хэлтэс шинэ байртай болж, нээлтээ хийлээ.
ОБЕГ-ын дарга, хошууч генерал Г.Ариунбуян арга хэмжээнд оролцож, хэлсэн үгэндээ “Онцгой байдлын алба ард, иргэдийнхээ аюулгүй байдлыг хамгаалах, эрсдэлийг бууруулах, хор, уршгийг арилгах хүндтэй, хариуцлагатай үүргийг хүлээдэг. Цогтцэций сум бол уул уурхайн хөгжсөн, олборолт хийдэг, төмөр зам, авто замаар холбогдсон, хүн амын нягтаршил ихтэй гэдгээрээ онцлог. Цогтцэций сум дахь Онцгой байдлын хэлтэс нь ОБЕГ болон орон нутгийн төсөв, хөрөнгөөр шинэ байртай болж байна” гэлээ.
Анх 2015 онд байгуулагдсан Гал түймэр унтраах, аврах 44 дүгээр анги нь Засгийн газрын 2020 оны 163 дугаар тогтоолоор Онцгой байдлын хэлтэс болон өргөжиж, үйл ажиллагаагаа явуулж байна.
Тус хэлтэс нь аймгийн Номгон, Баян-Овоо, Цогт-Овоо, Цогтцэций сум, Дорноговь, Дундговь, Говьсүмбэр аймгуудын хил залгаа сумдад тохиолдсон гамшиг, ослын дуудлагаар үүрэг гүйцэтгэж, урьдчилан сэргийлэх үйл ажиллагааг зохион байгуулан ажилладаг юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/11/28
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2024/11/28
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2024/11/28
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
