Цаг агаар:

Өнгөрсөн хоногт: Нийт нутгаар тогтуун.

Өнөөдөр: Нийт нутгаар багавтар үүлтэй, цас орохгүй. Салхи нутгийн баруун хагаст баруун хойноос, бусад нутгаар баруунаас секундэд 5-10 метр. Монгол-Алтай, Завхан голын эх, Хүрэнбэлчир орчмоор -10...-15 градус, Хангай, Хөвсгөлийн уулархаг нутаг, Идэр, Тэс, Тэрэлж, Хэрлэн голын хөндийгөөр -3...-8 градус хүйтэн, говийн бүс нутгийн өмнөд хэсгээр +3...+8 градус, бусад нутгаар -3...+2 градус дулаан байна.

Улаанбаатар хотод: Багавтар үүлтэй. Цас орохгүй. Салхи баруунаас секундэд 5-10 метр. 0 градус орчим байна.

Төлөв байдал: 22-нд баруун аймгуудын нутгийн баруун хэсгээр, 23-нд баруун аймгуудын нутгийн ихэнх, төвийн аймгуудын нутгийн баруун болон хойд хэсгээр цас орж, цасан шуурга шуурна. Салхи ихэнх хугацаанд секундэд 6-11 метр, 20, 21-нд нутгийн зүүн хэсгээр, 22-нд Алтайн салбар уулсаар, 23-нд нутгийн баруун хагаст секундэд 15-17 метр хүрч ширүүснэ. Завхан голын эх, Хүрэнбэлчир орчмоор шөнөдөө -24...-29 градус, өдөртөө -10...-15 градус, Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Идэр, Тэс, Тэрэлж голын хөндийгөөр шөнөдөө -17...-22 градус, өдөртөө -2…-7 градус, говийн бүс нутгийн баруун өмнөд хэсгээр шөнөдөө -4...-9 градус хүйтэн, өдөртөө +3…+8 градус дулаан, бусад нутгаар шөнөдөө -11…-16 градус хүйтэн, өдөртөө -2...+3 градус дулаан байна. 22-нд нутгийн баруун хэсгээр, цаашдаа ихэнх нутгаар хүйтэрнэ.

Гал түймэр: 

Дорноговь аймаг, Замын-Үүд сум Жаргалант баг байшингийн дээвэр шатаж байна гэсэн дуудлагыг 09:05 цагт хүлээн авсан.Тус аймгийн Онцгой байдлын газрын Замын-үүд сум дахь, Онцгой байдлын хэлтсийн Гал түймэр унтраах, аврах 17 дугаар ангийн алба хаагчдыг очиход, 10х8 метрийн хэмжээтэй байшингийн дээврийн хэсэг шатаж байсныг ажиллан унтраасан.

Улаанбаатар хот, Сүхбаатар дүүрэг 15 дугаар хороо шар өвс шатаж байна  гэсэн дуудлагыг 09:44 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчдыг очиход, иргэн А-ийн эзэмшлийн 0.7 га хашаанд,  өнжмөл шар өвс шатаж байсныг унтраасан.

Улаанбаатар хот, Сүхбаатар дүүрэг 20 дугаар хороо байшин шатаж байна гэсэн дуудлагыг 12:35 цагт хүлээн авсан.Тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчдыг очиход, иргэн А-ын эзэмшлийн 15х10 метрийн хэмжээтэй байшингийн 4х1 метрийн хэмжээтэй галлагааны өрөө шатаж байсныг ажиллаж унтраасан.

Дархан-Уул аймаг, Дархан сум 7 дугаар баг байшин шатаж байна гэсэн дуудлагыг 23:18 цагт хүлээн авсан. Тус аймгийн Онцгой байдлын газрын Гал түймэр унтраах, аврах 22 дугаар ангийн алба хаагчдыг очиход, 7х6 метрийн хэмжээтэй өвлийн тоосгон байшингийн дээврийн хэсэг шатаж байсныг ажиллан унтрааж, хүлээлгэн өгсөн. 

Улаанбаатар хот, Сонгинохайрхан дүүрэг 16 дугаар хороо автомашин шатаж байна гэсэн  дуудлагыг 05:13 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчдыг очиход, иргэн Ц-ийн эзэмшлийн "Vanette" загварын автомашины ачааны хэсэгт бараа материал  шатаж байсныг ажиллаж унтраасан.

ОНЦГОЙ БАЙДЛЫН ЕРӨНХИЙ ГАЗАР