Мэргэжлийн ангийн дүрэм шинэчлэн батлагдсантай холбогдуулан тус дүрмийг таниулах, мэргэжлийн ангийн бүрэлдэхүүний мэдлэг чадвар,  бэлэн байдлыг нэмэгдүүлэх, удирдах бүрэлдэхүүний гамшгийн үед шийдвэр гаргах чадавхыг дээшлүүлэх зорилгоор Онцгой байдлын ерөнхий газраас Говьсүмбэр, Хэнтий аймгийн Онцгой комисс, гамшгаас хамгаалах алба, сумын мэргэжлийн анги, хуулийн этгээдэд Гамшгаас хамгаалах бэлэн байдлын үзлэгийг энэ сарын 14-26-ны өдрүүдэд зохион байгуулна.

Үүнтэй холбогдуулан ОБЕГ-ын Ажиллагааны удирдлагын газрын хэлтсийн дарга, хурандаа Б.Мягмардоржоор  ахлуулсан ажлын хэсэг  Говьсүмбэр аймгийн Шивээговь, Баянтал суманд ажиллаж байна.

 Энэ үеэр гамшгийн үед хүч хэрэгсэл дайчлан гаргах ажиллагаа, харилцаа холбоо зарлан мэдээлэх хэрэгслийн бэлэн байдал, гамшгийн болон орон нутгийн нөөц бүрдүүлэлт, хадгалалт хамгаалалтын байдлыг шалгаж, бэлэн байдал, чанар хүртээмжийг үнэлэн дүгнэж, мэргэжил, аргазүйн зөвлөгөө өгч ажиллаж байгаа юм.