Ослын үеийн удирдлагын системээр ажиллах аргазүйд суралцлаа
Онцгой байдлын ерөнхий газраас АНУ-ын Ойн албатай хамтран “Ослын үеийн удирдлагын тогтолцоо” сэдэвт сургагч багш бэлтгэх сургалтыг зохион байгуулж, сургалтад хамрагдсан алба хаагчдад гэрчилгээ гардууллаа.
Сургалтаар ослын үеийн удирдлагын тогтолцооны бүтэц, ослын үнэлгээ болон зорилгод тулгуурласан удирдлага, нөөцийн менежмент, гамшиг, ослын үеийн төлөвлөлт сэдвийн хүрээнд онол, дадлага хосолсон хэлбэрээр мэдлэг олгож, ослын үеийн удирдлагын системээр ажиллах аргазүйд суралцсан юм.
Мөн улсын хэмжээнд зонхилон тохиолддог ой, хээрийн түймэр, үер, усны ослын үед хэрхэн ажиллах талаар бүлгийн дадлага хийж, туршлага солилцлоо.
АНУ-ын Ойн албатай хамтран 2023 оноос хойш “Ослын үеийн удирдлагын тогтолцоо” сэдэвт сургагч багш бэлтгэх сургалтыг зохион байгуулж, алба хаагчдыг чадавхжуулж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/11/14
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2024/11/14
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2024/11/14
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
