Гамшгийн эрсдэлийг бууруулах сүүлийн үеийн санал санаачилгуудыг хэлэлцэж байна
Азийн Гамшгийн эрсдэлийг бууруулах төвөөс Япон Улсын Засгийн газар, Бүгд Найрамдах Социалист Вьетнам Улсын Засгийн газартай хамтран тус улсын Ханой хотноо энэ сарын 12-13-ны өдрүүдэд зохион байгуулж байгаа “Гамшгийн эрсдэлийг бууруулах Азийн хурал 2024”-д УОК-ын нарийн бичгийн дарга, хурандаа Т.Баярхүү оролцож байна.
Тэрбээр “Гамшгийн эрсдэлийг бууруулах Сендайн хүрээнд уур амьсгалын өөрчлөлтийг даван туулахтай холбоотой арга хэмжээг хэрэгжүүлэхэд тулгарч байгаа бэрхшээл, ахиц дэвшил” сэдэвт дугуй ширээний хэлэлцүүлэгт оролцож, саналаа хуваалцлаа.
“Уур амьсгалын өөрчлөлтийг тогтвортой даван туулах оновчтой шийдэл, урьдчилан сэргийлэх арга хэмжээ” гэсэн үндсэн зорилтын хүрээнд болж байгаа тус хурлаар энэ оны есдүгээр сард Вьетнам улсад тохиолдсон "Яги" хар салхины нөлөөллийн тайлан, сорилтод чиглэсэн тусгай арга хэмжээнүүд, гамшгийн эрсдэлийг бууруулах сүүлийн үеийн санал санаачилгуудыг хэлэлцэж байна.
Хуралд Азийн гамшгийн эрсдэлийг бууруулах төвийн гишүүн болон зөвлөх 38 улс, олон улсын болон бүс нутгийн байгууллагуудын төлөөлөгч оролцож байгаа юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/11/12
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2024/11/12
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2024/11/12
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
