“Бүс ба зам” зохицуулагчдын хурал, залуучуудын яриа хэлэлцээрт оролцож байна
БНХАУ-ын Онцгой байдлын удирдлагын яамнаас түүний харьяа Олон улсын хамтын ажиллагааны төвтэй хамтран зохион байгуулж байгаа “Бүс ба зам” зохицуулагчдын хурал, залуучуудын яриа хэлэлцээрт Монгол Улсаас БНХАУ-д суух Онц бөгөөд Бүрэн эрхт Элчин сайд Н.Энхболд, ОБЕГ-ын Захиргааны удирдлагын газрын дарга, хурандаа Б.Үнэнбаатар тэргүүтэй төлөөлөгчид оролцож байна.
Хурлын үеэр Элчин сайд Н.Энхболд БНХАУ-ын Онцгой байдлын удирдлагын яамны дэд сайд Шю ЖиаАйтай хийсэн уулзалтаар Монгол Улсыг бүх талаар дэмжин, хамтран ажиллахаа илэрхийллээ.
“Бүс ба зам” гамшгийн эрсдэлийг бууруулах, онцгой байдлын удирдлагын зохицуулагчдын хурлыг 2023 онд анхлан зохион байгуулсан.
Тус хурлаас батлан гаргасан 4 бүлэг 14 заалт бүхий хамтын ажиллагааны санаачлагын хүрээнд “Бүс ба зам” гамшгийн удирдлагын залуучуудын санал солилцох, яриа хэлэлцээрийг зохион байгуулж байна.
Тус хуралд 27 улс, олон улсын байгууллагын 37 төлөөлөгч оролцож байгаа юм.
БНХАУ “Бүс ба зам” санаачилгын хүрээнд гамшгаас хамгаалах салбарын Сайд нарын хурлыг 2021 онд санаачлан зохион байгуулж, механизм байгуулах саналыг дэвшүүлэхэд Монгол Улс дэмжсэн анхны орон болж, түүнээс хойш үйл ажиллагаанд тогтмол идэвхтэй оролцож байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/11/12
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
2024/11/12
Шинэ мэдээӨнгөрсөн 7 хоногт ой, хээрийн 11 удаагийн дуудлага бүртгэгдлээ
Нийт дуудлагын 95 нь обьектын гал түймэр, 11 нь ой, хээрийн түймэр, 4 нь шар усны үер, 1 нь биологийн гаралтай аюулт үзэгдэл, 10 нь хүний үйл ажиллагаатай холбоотой ослын дуудлага байна.
2024/11/12
Шинэ мэдээТөв, орон нутгийн Онцгой байдлын газар, хэлтсийн орлогч, штабын дарга нарын чадавхжуулах сургалт, дадлагыг зохион байгууллаа
ОБЕГ-ын Гамшгаас хамгаалах сургалтын газраас төв орон нутгийн Онцгой байдлын байгууллагын газар, хэлтсийн орлогч, урьдчилан сэргийлэх тасгийн дарга, дэргэдэх ангийн штабын дарга, улсын нөөцийн ангийн захирагч, салбарын дарга, цэгийн эрхлэгч нарын чадавхжуулах сургалт, дадлагыг зохион байгууллаа.
