“Ослын үеийн удирдлагын тогтолцоо” сэдэвт сургагч багш бэлтгэх сургалтын нээлтээ хийлээ
Онцгой байдлын ерөнхий газраас АНУ-ын Ойн албатай хамтран тус улсын Олон улсын хөгжлийн агентлагийн дэмжлэгтэйгээр “Ослын үеийн удирдлагын тогтолцоо” сэдэвт сургагч багш бэлтгэх сургалтыг энэ сарын 11-14-ний өдрүүдэд зохион байгуулж байна.
ОБЕГ-ын дэд дарга, бригадын генерал Б.Ууганбаяр, АНУ-ын Ойн албаны сургалтын багийн ахлагч Крис Нобл болон Ойн албаны сургагч багш нар сургалтыг удирдан явуулж байгаа юм. Сургалтад төв, орон нутгийн Онцгой байдлын байгууллагын нийт 30 гаруй алба хаагч хамрагдаж байна.
Монгол улс гамшгийн хор уршгийг арилгах үйл ажиллагаанд ослын үеийн тогтолцоог ашиглаж өөрийн орныг гамшигтай тэмцэхэд олон улсын туршлагаас суралцаж, тулгарсан асуудлыг даван туулах, өөрийн орны онцлогт тохируулан нутагшуулж мэргэжлийн боловсон хүчнийг үе шаттайгаар бэлтгэх, холбогдох дүрэм, журмыг боловсруулахад ашиглах замаар ослын үеийн удирдлагын нэгдсэн тогтолцоог нэвтрүүлэх шаардлага бий болсоор байна.
Тиймээс хэрэгцээ шаардлагад үндэслэн алба хаагчдыг гамшгийн голомтод эрэн хайх, аврах ажиллагааг шуурхай зохион байгуулах, хор уршгийг арилгах үйл ажиллагааны удирдлага зохион байгуулалтыг үр дүнтэй төлөвлөх, хэрэгжүүлэхэд ослын удирдлагын тогтолцоог нэвтрүүлэн, сургагч багш нарыг бэлтгэн, тэднээр дамжуулан цаашид сургалтыг бүсчилсэн байдлаар зохион байгуулах боломж бүрдэж байгаагаараа онцлог юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/11/12
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2024/11/12
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2024/11/12
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
