"Гамшгийн үеийн яаралтай тусламжийн багуудын олон улсын VI хурал”-д оролцож, туршлага солилцлоо
ДЭМБ-ын Гамшгийн үеийн яаралтай тусламжийн баг, Арабын Нэгдсэн Эмират Улсын Абу Даби хотын Эрүүл мэндийн газартай хамтран зохион байгуулсан "Гамшгийн үеийн яаралтай тусламжийн багуудын Олон улсын VI хурал”-д ОБЕГ-ын Санхүү, ар талын газрын Эрүүл мэндийн тасгийн дарга, дэд хурандаа Д.Хонгор оролцож, туршлага солилцлоо.
Энэ сарын 03-08-ны өдрүүдэд болсон тус уулзалтад Эрүүл мэндийн яам, Дэлхийн эрүүл мэндийн байгууллагын Монгол дахь суурин төлөөлөгчийн газрын холбогдох мэргэжилтнүүд мөн хамрагдсан байна.
Олон улсын уулзалт, хуралд дэлхийн 130 гаруй улсын 1300 гаруй төлөөлөгч оролцож, үндэсний болон олон улсын түвшинд эмнэлгийн яаралтай тусламжийн багуудын үүрэг гүйцэтгэлт, хүндрэл бэрхшээл, тулгамдаж байгаа асуудлыг хөндөж, сайн туршлага солилцон, 2025-2030 оны стратеги төлөвлөлт, хэрэгжүүлэх арга замын талаар санал зөвлөлдлөө.
Монгол улсын хувьд ДЭМБ-ын 2021 оны эмнэлгийн яаралтай тусламжийн багийн ангилал, стандартыг удирдамж болгон "Гамшиг, ослын үед гамшгийн үеийн эмнэлгийн яаралтай тусламж"-ийн багийг байгуулж, үндэсний болон орон нутгийн түвшинд үүрэг гүйцэтгэх нөхцлийг бүрдүүлэхээр ажиллаж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/11/11
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2024/11/11
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2024/11/11
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
