“Барилга байгууламж, өндөр хийцээс аврах ажиллагаа”-ны сургалт, дадлагад хамрагдлаа
БНФУ-ын Батлан хамгаалах, аюулгүй байдлын хамтын ажиллагааны газраас Онцгой байдлын алба хаагчдыг чадавхжуулах зорилгоор ОБЕГ-ын харьяа Агаараас эрэн хайх, аврах 111 дүгээр ангид өндрөөс аврах ажиллагааны иж бүрдлийг нийлүүлсэн.
Энэ хүрээнд “Барилга байгууламж, өндөр хийцээс аврах ажиллагаа”-ны зааварлагч багшийн сургалтыг аравдугаар сарын 21-ний өдрөөс арваннэгдүгээр сарын 01-нийг хүртэл зохион байгуулж, өнөөдөр гэрчилгээг нь гардууллаа.
Сургалтыг БНФУ-ын Батлан хамгаалах, аюулгүй байдлын хамтын ажиллагааны газрын Өндөр аюултай болон уулын аврах ажиллагааны улсын техникийн зөвлөх болон үндэсний төвийн дарга Гий Пуршо, Өндөр аюултай болон уулын аврах ажиллагааны хэлтсийн техникийн зөвлөх Жан-франсуа Нивиер нар удирдан явуулсан юм.
Сургалтад ОБЕГ-ын харьяа Үндэсний аврах бригад, нийслэлийн Аврах анги, Агаараас эрэн хайх, аврах 111 дүгээр ангийн алба хаагчид хамрагдаж, өндөр хийц, уул хаднаас нэрвэгдэгчийг аюулгүй буулгах, татан гаргах, канал татаж дамнуургаар нэрвэгдэгчийг зөөвөрлөх, цооног нүхнээс гурван хөлт тулгуур ашиглан татан гаргах зэрэг аргачлалаар нэрвэгдэгч болон аврагчийн аюулгүй байдлыг хангах арга техникийг эзэмшлээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/11/01
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2024/11/01
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2024/11/01
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
