“Аврагч” мэргэжлийн зөвлөлийн хуралдаан боллоо
Онцгой байдлын байгууллагын дэргэдэх “Аврагч” мэргэжлийн зөвлөлийн хуралдаан өнөөдөр ДХИС-ийн Ахлагчийн мэргэжлийн сургалт-үйлдвэрлэлийн төвийн “Багш хөгжлийн төв”-д боллоо.
Хуралд Мэргэжлийн зөвлөлийн дарга, Онцгой байдлын ерөнхий газрын Захиргааны удирдлагын газрын Хүний нөөц, сургалт судалгааны хэлтсийн дарга, хурандаа Б.Батжаргал, Ахлагчийн мэргэжлийн сургалт-үйлдвэрлэлийн төвийн захирал, доктор (Ph.D), профессор, цагдаагийн хурандаа Г.Ганбаатар, Бие бүрэлдэхүүний сургалтын тасгийн дарга, дэд хурандаа Н.Цоггэрэл, Гал түймэртэй тэмцэх газрын ахлах мэргэжилтэн, хошууч З.Отгонзаяа, АМСҮТ-ийн сургалтын арга зүйч, хошууч Г.Эрхэс, Онцгой байдлын тэнхимийн багш, алба хаагчид оролцсон юм.
Хуралдаанаар мэргэжлийн боловсрол олгох “Аврагч” нэг жилийн хөтөлбөр, мэргэжлийн сургалтын “Аврагч-гал сөнөөгч”, “Гал унтраах автомашины жолооч”, “Холбооны бага мэргэжилтэн” мэргэжлийн хөтөлбөрүүдэд Хөдөлмөр нийгмийн хамгааллын сургалт, үнэлгээ, судалгааны институтээс ирүүлсэн дүгнэлтийн дагуу хөтөлбөр сайжруулах талаар хэлэлцлээ.
Мөн мэргэшсэн жолоочийг “Гал унтраах автомашины шатны техникч” хөтөлбөрөөр 45 хоногийн хугацаатай мэргэшүүлэн сургахаар, “Аврагч-усчин” мэргэжлийн сургалтыг жилийн хугацаатай зохион байгуулахаар шийдвэрлэсэн байна.
Түүнчлэн “Аврагч-химичин”, “Аврагч-тэсэлгээчин”, “Аврагч-шүхэрчин” мэргэжлийн сургалтуудыг Онцгой байдлын байгууллагын хэрэгцээ шаардлагатай үед зохион байгуулахаар боллоо.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/10/28
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2024/10/28
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2024/10/28
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
