Цаг агаар: 

Өнгөрсөн хоногт: Нийт нутгаар цаг агаар тогтуун байлаа

Өнөөдөр: Нутгийн хойд хэсгээр солигдмол үүлтэй. Монгол-Алтай, Хөвсгөлийн уулархаг нутгаар ялимгүй цас орно. Бусад нутгаар багавтар үүлтэй, цас орохгүй. Ихэнх нутгаар баруунаас 5-10 м/с. Дархадын хотгор, Завхан голын эх, Хүрэнбэлчир орчмоор +1…-4 градус хүйтэн, Хангай, Хөвсгөл, Хэнтийн уулархаг нутаг, Тэрэлж, Хэрлэн, Онон, Улз, Халх голын хөндийгөөр +2…+7 градус, Их нууруудын хотгор, говийн бүс нутгийн өмнөд хэсгээр +13…+18 градус, бусад нутгаар +7...+12 градус дулаан байна.

Улаанбаатар хотод:  Багавтар үүлтэй. Цас орохгүй. Салхи баруунаас 5-10 м/с, +7...+9 градус дулаан байна.

Төлөв байдал: 24-нд Алтай, Хангайн уулархаг нутгаар ялимгүй хур тунадас, 25-нд Хангай, Хэнтийн уулархаг нутаг, Орхон голын хөндийгөөр, 26-нд зүүн аймгуудын нутгийн зарим газраар цас орно. Салхи ихэнх хугацаанд баруунаас 6-11 м/с, 24-нд Алтайн салбар уулсаар, 25-26-нд говь, талын нутгаар 13-15 м/с хүрч ширүүснэ. Завхан голын эх, Хүрэнбэлчир орчмоор шөнөдөө -14...-19 градус, өдөртөө +3...-2 градус, Хангайн, Хөвсгөл, Хэнтийн уулархаг нутаг, Идэр, Тэс, Орхон, Хараа, Ерөө, Туул, Тэрэлж, Улз, Халх голын хөндийгөөр -8...-13 градус хүйтэн, өдөртөө +2...+7 градус, говийн бүс нутгийн өмнөд хэсгээр шөнөдөө -1…+4 градус, өдөртөө +14…+19 градус дулаан, бусад нутгаар шөнөдөө -2…-7 градус хүйтэн, өдөртөө +7…+12 градус дулаан байна.

Гал түймэр: 

Нийслэлийн Сүхбаатар дүүргийн 20 дугаар хороонд гарааш шатаж байна гэсэн дуудлагыг 10.22-ны өдрийн 03:43 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчдыг очиход иргэн Э-гийн 8х10 метрийн хэмжээтэй 2 давхар байшингийн 1 давхарт 2х6 метрийн хэмжээтэй гарааш, байшингийн дээврийн хэсэг, эд хогшил шатаж байсныг ажиллаж унтраасан.

Сүхбаатар дүүргийн 19 дүгээр хороо, Майхан толгойн задгайд байшин шатаж байна гэсэн дуудлагыг 10.22-ны өдрийн 09:11 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 74, 34 дүгээр ангийн алба хаагчдыг очиход иргэн Б-гийн 8х10 метрийн хэмжээтэй 2 давхар байшин шатаж байсныг ажиллаж унтраасан. 

Хан-Уул дүүргийн 5 дугаар хороонд байшин шатаж байна гэсэн дуудлагыг 10.22-ны өдрийн 13:25 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 30 дугаар ангийн алба хаагчдыг очиход иргэн Д-гийн 5х6 метрийн хэмжээтэй байшингийн дотор талын хэсэг, эд хогшил, 8х9 метрийн хэмжээтэй байшингийн дээврийн хэсэг тус тус шатаж байсныг ажиллаж унтраасан.

Хүний үйл ажиллагаатай холбоотой осол:

Голын усанд суусан: Говьсүмбэр аймгийн Баянтал сумын Их-Уул багийн "Цэрдэгийн-Ухаа" гэдэг газар /аймгийн төвөөс зүүн хойд зүгт 35 км, сумын төвөөс зүүн хойд зүгт 15 км/ Төв аймгийн Баянжаргалан сумаас Говьсүмбэр аймгийн Баянтал сумын чиглэлд зорчиж явсан 2 зорчигчтой суудлын автомашин тогтоол усанд суусан тухай дуудлагыг 10.22-ны өдрийн 04:57 цагт хүлээн авсан. Тус аймгийн Онцгой байдлын газрын Эрэн хайх, аврах бүлгийн алба хаагчдыг очиход "Тоёота спринтер" загварын суудлын автомашин тогтоол усанд суусан байсныг татан гаргасан.

ОНЦГОЙ БАЙДЛЫН ЕРӨНХИЙ ГАЗАР