Гамшгийн эрсдэлийг бууруулах, олон төрлийн аюулыг эрт зарлан мэдээлэх системийн чиглүүлэх сургалтад хамрагдав
НҮБ-ын Гамшгийн эрсдэлийг бууруулах газар болон Уур амьсгалын ногоон сангийн мэргэжилтнүүд хамтран БНСУ-ын Инчон хотын Глобал боловсрол, сургалтын төвд зохион байгуулагдсан сургалтад ОБЕГ-ын Бодлого төлөвлөлтийн газрын дарга, хурандаа Л.Өлзийбаяраар ахлуулсан алба хаагчид хамрагдлаа. Тус сургалтад мөн , яам, агентлагийн мэргэжилтнүүд хамрагдаж, гамшгийн эрсдэлийг бууруулах, уур амьсгалын өөрчлөлтөд дасан зохицох чиглэлээр авч хэрэгжүүлсэн арга хэмжээг нэгтгэх, түүнчлэн Уур амьсгалын ногоон сангаас санхүүжилт авах чадавхаа бэхжүүлсэн юм.
Оролцогчид гамшгийн эрсдэлийг бууруулах, уур амьсгалын өөрчлөлтөд дасан зохицох талаар мэдээлэл авч, олон талт аюулыг эрт зарлан мэдээлэх системийн ололт, амжилтын талаар харилцан туршлага хуваалцлаа.
Мөн GCF Уур амьсгалын ногоон сангийн 2024-2027 оны стратегийн төлөвлөгөөнд эрт сэрэмжлүүлэх системд үзүүлэх дэмжлэг болон "Бүх нийтийг хамарсан эрт сэрэмжлүүлэг" санаачилгыг дэмжих арга хэмжээний талаарх мэдлэг, ойлголт олж авсан юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/10/08
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
2024/10/08
Шинэ мэдээӨнгөрсөн 7 хоногт ой, хээрийн 11 удаагийн дуудлага бүртгэгдлээ
Нийт дуудлагын 95 нь обьектын гал түймэр, 11 нь ой, хээрийн түймэр, 4 нь шар усны үер, 1 нь биологийн гаралтай аюулт үзэгдэл, 10 нь хүний үйл ажиллагаатай холбоотой ослын дуудлага байна.
2024/10/08
Шинэ мэдээТөв, орон нутгийн Онцгой байдлын газар, хэлтсийн орлогч, штабын дарга нарын чадавхжуулах сургалт, дадлагыг зохион байгууллаа
ОБЕГ-ын Гамшгаас хамгаалах сургалтын газраас төв орон нутгийн Онцгой байдлын байгууллагын газар, хэлтсийн орлогч, урьдчилан сэргийлэх тасгийн дарга, дэргэдэх ангийн штабын дарга, улсын нөөцийн ангийн захирагч, салбарын дарга, цэгийн эрхлэгч нарын чадавхжуулах сургалт, дадлагыг зохион байгууллаа.
