Ёслолын жагсаалд үе, үеийн ажилтан, алба хаагчид оролцлоо
Сэлэнгэ аймгийн Онцгой байдлын газрын түүхт 90 жилийн ойд зориулсан ёслолын жагсаал өнөөдөр тус аймгийн “Сүхбаатар партизаны талбай”-д боллоо.
Арга хэмжээнд ОБЕГ-ын дэд дарга, бригадын генерал Б. Ууганбаяр, дэд дарга, бригадын генерал Д.Намсрай, тус аймгийн Онцгой байдлын газрын дарга, хурандаа Г.Галбадрах болон аймаг, орон нутгийн удирдлагууд, үе, үеийн ажилтан, алба хаагчид оролцсон юм.
Энэ үеэр ОБЕГ-ын харьяа Үндэсний аврах бригадын шүхэрчин аврагчид, Агаараас эрэн хайх, аврах 111 дүгээр ангийн нисдэг тэрэгтэйгээр шүхрийн буулт хийлээ.
Анх 1934 оны наймдугаар сарын 22-ны Ерөнхий сайдын 17 дугаар тушаалд зааснаар БНМАУ-ын Дотоодыг хамгаалах газраас гаргасан 633 дугаар тушаалаар Сэлэнгэ аймгийн “Дотоодыг хамгаалах газар”-ын дэргэд “Галын аюулаас хамгаалах” таван гишүүнтэй комиссыг байгуулснаар суурь нь тавигдаж, өдгөө 90 жилийн ойтойгоо золгож байна.
Сэлэнгэ аймгийн Онцгой байдлын газар нь 9 салбар нэгжтэй, орчин цагийн гамшигтай тэмцэх техник, тоног төхөөрөмжөөр хангагдан, аймгийн хэмжээнд гамшгийн аюулаас урьдчилан сэргийлэх, авран хамгаалах, хойшлуулшгүй сэргээн босгох ажиллагааг зохион байгуулж байгаа юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/10/05
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2024/10/05
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2024/10/05
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
