Хууль сахиулах болон үндэсний аюулгүй байдал, язгуур эрх ашгийг үнэнч шударгаар хамгаалах үүрэг бүхий эх оронч, хүмүүнлэг, мэргэжлийн ур чадвартай хүний нөөцийг сургаж бэлтгэх их үйлст өөрийн мэдлэг боловсрол, оюун ухаанаа дайчлан ажиллаж байгаа хүндэт эрдэмтэн, судлаачид, багш нар, шинэ үеийн түүхийг бүтээлцэж байгаа эрхэм сонсогч, суралцагч, алба хаагч та бүхэнд Дотоод хэргийн их сургууль байгуулагдсаны түүхт 90 жилийн ойн баярын мэндийг хүргэе.

Дотоодын хэргийн их сургуулийн Онцгой байдлын сургууль нь 2012 онд байгуулагдснаас хойш мэргэжлийн хүний нөөцийг академик түвшинд бэлтгэн Онцгой байдлын байгууллагын хүний нөөцийг бүрдүүлэх, алба хаагчдыг сургаж дадлагажуулах, чадвартай боловсон хүчнээр хангахад үнэтэй хувь нэмрээ оруулж байгаад талархалаа илэрхийлье.

Ойн баярыг тохиолдуулан Дотоодын хэргийн их сургуульд ажиллаж ирсэн үе, үеийн удирдлагууд, эрдэмтэн багш нар, судлаачид, ажилтан, алба хаагч та бүхэн оюуны хөдөлмөрөөр цогцлоон бүтээсэн ололт амжилт, баялаг туршлагаа улам баяжуулж, шинэ зууны иргэдийг эх оронч, хөдөлмөрч, хүнлэг энэрэнгүй үзлээр сурган хүмүүжүүлж төлөвшүүлэх, мэдлэг чадвар, зөв хандлагатай боловсон хүчнийг бэлтгэх, хөгжүүлэх эрхэм үйлс тань үргэлжийн гэгээн мөртэй, бүтээл туурвил, амжилтаар дүүрэн байхыг хүсэн ерөөе.

Эрдмийн гэгээн өргөө эгнэгт гэрэлтэй байж, суу алдар нь мөнхөд мандан бадарч байх болтугай.

ОНЦГОЙ БАЙДЛЫН ЕРӨНХИЙ ГАЗАР