Сэлэнгэ аймгийн Онцгой байдлын газрын Мандал сум дахь Онцгой байдлын хэлтсийн Гал түймэр унтраах, аврах 19 дүгээр ангийн алба хаагчид он гарсаар 29 удаагийн гамшиг, аюулт үзэгдлийн дуудлагаар үүрэг гүйцэтгэн, гурван хүний амь нас, 1.4 сая төгрөгийн өмч хөрөнгийг авран хамгаалсан байна.

Аймгийн Онцгой байдлын газрын түүхт 90, ангийн 50 жилийн ойг тохиолдуулан алба хаагчдын нийгмийн баталгааг хангах, ажиллах орчин нөхцлийг сайжруулах хүрээнд олон талт ажлыг зохион байгуулжээ.

Тухайлбал, гамшиг, ослын үед үүрэг гүйцэтгэх бэлтгэл, бэлэн байдлыг хангах хүрээнд 11 төрлийн ажил үйлчилгээг гүйцэтгэсэн бол аймаг, орон нутгийн санхүүжилтээр багаж, зэвсэглэмжийг шийдвэрлүүлэн, үйл ажиллагаандаа ашиглаж байгааг танилцууллаа.