Баруун бүсийн “Эцэг, эхийн зөвлөл”-ийн гишүүн алба хаагчид сургалтад хамрагдлаа
Онцгой байдлын ерөнхий газраас НҮБ-ын Хүүхдийн сантай хамтран “Хүүхэд хамгааллын бодлого, гамшгаас хамгаалах бэлэн байдал, төлөвлөлт" сэдэвт сургалтыг Баруун бүсийн төв-Ховд аймагт энэ сарын 2-3-ны өдрүүдэд зохион байгууллаа.
Сургалтад Говь-Алтай, Ховд, Баян-Өлгий, Увс, Завхан аймгийн Онцгой байдлын газрын "Эцэг, эхийн зөвлөл"-ийн гишүүн алба хаагчид хамрагдаж, сургагч багшийн гэрчилгээгээ гардан авлаа.
“Хүүхэд хамгааллын тухай хууль”-ийн шинэчилсэн найруулга есдүгээр сарын нэгний өдрөөс хэрэгжиж эхэлсэнтэй холбогдуулан Хүүхэд, гэр бүлийн хөгжил хамгааллын ерөнхий газрын зочин багш мэдээлэл өгч, Онцгой байдлын байгууллагын “Хүүхэд хамгааллын бодлого”-ын хүрээнд эцэг эхийн зөвлөлийн ажиллах журам, цаашдын зорилтын талаар хэлэлцүүлэг өрнүүлсэн юм.
Мөн гамшиг, онцгой байдлын үед авч хэрэгжүүлэх хариу арга хэмжээг хэрхэн зохион байгуулдаг туршлага, мэдээллээ хуваалцаж, цаашид авч хэрэгжүүлэх арга хэмжээг төлөвлөн, алба хаагчдыг чадавхжууллаа.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/10/04
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2024/10/04
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2024/10/04
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
