"Эх оронч суралцагч” арга хэмжээний оролцогчид Гал түймэр унтраах, аврах 22 дугаар ангийн үйл ажиллагаатай танилцлаа
Монгол Улсын Шадар сайдын Ажлын алба, Батлан хамгаалах яам, Боловсролын яам, Хууль зүй, дотоод хэргийн яамнаас хамтран “Эх оронч суралцагч” арга хэмжээний III ээлжийн тойрон аяллыг өнгөрсөн амралтын өдрүүдэд зохион байгууллаа.
Энэ удаагийн тойрон аялалд Баянгол дүүргийн 73, "Номт наран", "Эрдмийн ундраа", Чингэлтэй дүүргийн 23, Баянзүрх дүүргийн 88, Сонгинохайрхан дүүргийн 124, Налайх дүүргийн 119 дүгээр сургуулийн ахлах ангийн 240 гаруй суралцагч хамрагдлаа.
Оролцогчид Дархан-Уул аймгийн Онцгой байдлын газрын Гал түймэр унтраах, аврах 22 дугаар ангийн гал унтраах автомашин, гал түймэр унтраах багаж хэрэгсэл, эрэн хайх аврах бүлгийн эрэлч нохой, аврах багаж хэрэгсэл болон гал унтраах үзүүлбэрүүдтэй танилцсан юм.
"Эх оронч суралцагч” арга хэмжээ нь ахлах ангийн суралцагчдад эх орны тусгаар тогтнолын үнэ цэнийг ойлгуулах, байгаль, эх дэлхий, түүх, соёлоо хайрлан хамгаалах мэдлэг ойлголтыг олгох зорилготойгоос гадна төрийн цэргийн болон хууль сахиулах байгууллагуудын үйл ажиллагааг өөрийн биеэр үзэх боломжийг олгож байгаа томоохон зорилтот үйл ажиллагаа юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/09/30
Шинэ мэдээСургалтын тоо 21 хувиар, сургалтад хамрагдсан хүний тоо 53.5 хувиар өссөн байна
Түүнчлэн 100 мянган хүн амд харьцуулсан сургалтын хүртээмж өмнөх оноос 51.8 хувиар нэмэгдсэн бөгөөд ерөнхий боловсролын сургуулийн сурагчдын хамрагдалт өмнөх онтой харьцуулахад 8.36 хувиар өссөн байна.
2024/09/30
Шинэ мэдээД.Базаррагчаа: Монголд тохиолдож болзошгүй эрсдэлээр нь газар хөдлөлт, аянга, ган, зуд… гэж гамшгийг эрэмбэлдэг
Түгээмэл тохиолдох 10 гамшгийн аюулыг сонгож, Монгол Улсын газар нутгийн хэмжээнд аюулын өртөх байдлаар авч үзвэл газар хөдлөлтийн аюул (500 жилийн эргэн тохиох магадлалаар) хамгийн эхэнд эрэмблэгдэж байна. Дараа нь хохирол багатай ч тохиолдох магадлалаараа аянга орж байна. Тэгээд ган, зуд гээд үргэлжилнэ.
2024/09/30
Шинэ мэдээЭнэ сарын цаг агаарын ерөнхий төлөв
Сарын эхээр нутгийн зүүн хагаст, мөн нэгдүгээр арав хоногийн сүүлч, хоёрдугаар арав хоногийн ихэнх хугацаа болон гуравдугаар арав хоногийн эхэн үеүдэд ихэнх нутгаар хүйтэн жиндүү, салхи шуургатай, тогтворгүй цаг агаар зонхилох тул хол замд гарахдаа богино хугацааны цаг агаарын урьдчилсан мэдээг байнга авч ашиглаж, анхаарал болгоомжтой байхыг зөвлөж байна.
