Зүүн бүсийн “Эцэг, эхийн зөвлөл”-ийн гишүүн алба хаагчид сургалтад хамрагдаж байна
Онцгой байдлын ерөнхий газраас НҮБ-ын Хүүхдийн сантай хамтран зохион байгуулж байгаа "Хүүхэд хамгааллын бодлого, гамшгаас хамгаалах бэлэн байдал, төлөвлөлт" сэдэвт бүсчилсэн сургалт Зүүн бүсийн төв-Дорнод аймагт эхэллээ.
Энэ сарын 24-25-ны өдрүүдэд болох тус сургалтад Хэнтий, Сүхбаатар, Дорнод аймгийн Онцгой байдлын газрын “Эцэг, эхийн зөвлөл”-ийн гишүүн алба хаагчид хамрагдаж байна.
Нээлтийн ажиллагаанд ОБЕГ-ын Урьдчилан сэргийлэх газрын дарга, хурандаа Ц.Уранчимэг оролцож, хэлсэн үгэндээ “Алба хаагчдынхаа хүүхдийн аюулгүй байдлыг хангах зорилгоор Онцгой байдлын байгууллагын “Хүүхэд хамгааллын бодлого”-ын хүрээнд газар, нэгж бүрт “Эцэг, эхийн зөвлөл”-ийг байгуулсан. Тиймээс та бүхэн сургалтад идэвх санаачилгатай оролцож, ажилтан, алба хаагчдынхаа хүүхдүүдийн аюулгүй байдлыг хангах, аливаа эрсдэлээс урьдчилан сэргийлэх ажлыг манлайлахад идэвхтэй оролцохыг уриалж байна” гэлээ.
Сургалтаар “Хүүхэд хамгааллын тухай хууль”-ийн шинэчилсэн найруулгын талаар Хүүхэд, гэр бүлийн хөгжил хамгааллын ерөнхий газрын зочин багш нар мэдээлэл өгч, Онцгой байдлын байгууллагын “Хүүхэд хамгааллын бодлого”-ын хүрээнд эцэг эхийн зөвлөлийн ажиллах журам, цаашдын зорилтын талаар хэлэлцүүлэг өрнүүлэх юм.
Мөн гамшиг, онцгой байдлын үед авч хэрэгжүүлэх хариу арга хэмжээний талаар багаар ажиллаж, харилцан туршлага солилцоно.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/09/24
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2024/09/24
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2024/09/24
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
