Команд штабын сургууль зохион байгуулав
Онцгой байдлын ерөнхий газрын даргын баталсан "Гамшгийн үед олон улсын эрэн хайх, аврах баг болон хүмүүнлэгийн тусламжийг хүлээн авах үйл ажиллагаа“ сэдэвт сургалт, дадлагын удирдамжийн дагуу өнөөдөр ОБЕГ-ын Ажиллагааны удирдлагын газраас Иргэний нисэхийн ерөнхий газрын удирдах бүрэлдэхүүнд гамшгаас хамгаалах “Команд штабын сургууль”-ийг хоёр үе шаттай зохион байгууллаа.
Сургалт дадлагын зорилго нь нийтийг хамарсан томоохон гамшгийн үед олон улсын эрэн хайх аврах баг, хүмүүнлэгийн тусламжийг хүлээн авах, шилжүүлэн байрлуулах үйл ажиллагааг нисэх буудлын үндсэн үйл ажиллагааг алдагдуулахгүй зохион байгуулах, үүссэн цагийн байдлын дагуу хариу арга хэмжээг төлөвлөх, зохион байгуулах чадвар эзэмшүүлэх, удирдлага, зохицуулалт, харилцан ажиллагаа, гамшгаас хамгаалах төлөвлөлтийг сайжруулах юм.
Сургалтад Иргэний нисэхийн ерөнхий газар, Иргэний нисэхийн үндэсний төв, Гадаадын иргэн харьяатын газар, Гаалийн ерөнхий газар, Хилийн 0218 дугаар анги, Иргэний агаарын тээврийн Цагдаагийн хэлтсийн нийт 40 хүн хамрагдлаа.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/09/12
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2024/09/12
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2024/09/12
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
