"Хүүхэд хамгааллын бодлого, гамшгаас хамгаалах бэлэн, төлөвлөлт" сэдэвт сургалт өндөрлөлөө
Онцгой байдлын ерөнхий газар, Нэгдсэн Үндэстний Байгууллагын Хүүхдийн Сантай хамтран "Хүүхэд хамгааллын бодлого"-ыг сурталчлан таниулах хүрээнд бүсчилсэн сургалт Өмнөд бүсийн төв-Өмнөговь аймагт амжилттай зохион байгуулагдаж өндөрлөлөө.
Алба хаагчдынхаа хүүхдүүдийн аюулгүй байдлыг хангах чиглэлээр газар, нэгж бүрдээ эцэг эхийн зөвлөлөөр дамжуулан хүүхэд харах өрөө, байгууллагын дэргэдэх цэцэрлэг байгуулан ажиллахаар зорьж байна. Үүний тулд эцэг эхийн зөвлөлийн ажиллах журам, хөтөлбөрийг хэлэлцэн олон талт хэлэлцүүлгийг өрнүүлэв. Мөн гамшгаас хамгаалах бэлэн байдал, хариу арга хэмжээний талаар тактик төлөвлөгөө боловсруулан багаар ажиллах сургуулилтыг зохион байгуулж өөр хоорондоо харилцан туршлага солилцов.
Сургалтад оролцсон өмнөд бүсийн таван аймгийн алба хаагчдад Онцгой байдлын eрөнхий газрын дэд дарга,бригадын гeнeрал Б.Ууганбаяр гэрчилгээ гардуулан сургалтаас олж авсан мэдлэгээ өөрийн ажиллаж буй газар, хэлтэстээ хэрэгжүүлэн бусдадаа түгээн дэлгэрүүлж ажиллахыг онцлон хэллээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/09/12
Шинэ мэдээАймаг, сумдын гамшгаас хамгаалах төлөвлөгөөг бодит нөхцөлд туршин, тодотгол хийлээ
Монгол Улсын Шадар сайдын баталсан хуваарийн дагуу Онцгой байдлын ерөнхий газраас Архангай аймагт “Орон нутгийн Онцгой комисс, гамшгаас хамгаалах алба, мэргэжлийн анги, сайн дурын хэсэг, хүмүүнлэгийн байгууллага, хуулийн этгээдийн гамшгаас хамгаалах төлөвлөлт, бэлэн байдал, тэдгээрийн харилцан ажиллагаа” сэдэвт гамшгаас хамгаалах иж бүрэн сургуулийг энэ сарын 10-12-ны өдрүүдэд зохион байгууллаа.
2024/09/12
Шинэ мэдээГамшгаас хамгаалах иж бүрэн сургуулийн хүрээнд штабын дадлага хийлээ
Энэхүү иж бүрэн сургуулийн хүрээнд аймаг, сум, багийн түвшний удирдлага, гамшгаас хамгаалах алба, мэргэжлийн ангиудын харилцан ажиллагаа, мэдээлэл солилцоо, шийдвэр гаргалтын шуурхай байдал, хүч хэрэгслийн татан төвлөрүүлэлт, нүүлгэн шилжүүлэлт, түр байршуулалт, эмнэлгийн яаралтай тусламж, эрэн хайх, аврах ажиллагаа, гал түймэр унтраах, үер усны аюулаас хамгаалах, холбоо мэдээллийн тасралтгүй ажиллагааг дадлагажуулсан гэдгээрээ онцлог юм.
2024/09/12
Шинэ мэдээБүгд найрамдах Тажикстан улсын төлөөлөгчид дуурайлган үзүүлэх болон нүүлгэн шилжүүлэх дадлага сургуультай танилцав
Архангай аймагт зохион байгуулсан гамшгаас хамгаалах иж бүрэн сургуулийн тактикийн үзүүлэх дадлагад аймаг, сумдын Онцгой комисс, гамшгаас хамгаалах алба, мэргэжлийн анги, эрүүл мэнд, цагдаа, төрийн болон төрийн бус нийт 14 байгууллагын 207 хүн, 27 техник хэрэгсэлтэйгээр оролцож, гамшгийн үеийн хариу арга хэмжээ, хамтын ажиллагаа, шуурхай удирдлагын зохион байгуулалтыг дээшлүүллээ.
