Гал түймэр унтраах, аврах 18 дугаар ангийн “Автомашин зөөвөрлөгч” бүтээл тэргүүллээ
Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор төрийн цэргийн болон хууль сахиулах байгууллагуудын ахлагч нарын чуулга уулзалт ирэх есдүгээр зохион байгуулахтай холбогдуулан төв, орон нутгийн Онцгой байгууллагын анги, салбарын ахлагч бүрэлдэхүүний дунд “Шинийг санаачлагч-Бүтээлч ахлагч” уралдааныг зохион байгууллаа.
Уралдаанд харьяа, анги, салбаруудын 11 байгууллагын 15 бүтээл ирснээс НОБГ-ын Баянгол дүүргийн ОБХ-ийн Гал түймэр унтраах, аврах 18 дугаар ангийн гал сөнөөгч, ахлагч Г.Өсөхбаяр ахлагчтай багийн “Автомашин зөөвөрлөгч” бүтээл тэргүүллээ.
.jpeg)
Харин дэд байрт Дархан-Уул аймгийн Онцгой байдлын газрын Гал түймэр унтраах, аврах 22 дугаар ангийн аврагч-гал сөнөөгч, ахлах ахлагч Х.Дөлгөөн, ахлах ахлагч Б.Наранбаатар нарын “Хийгээр хоолой шалгах” бүтээл, гутгаар байрт Сэлэнгэ аймгийн Онцгой байдлын газрын Гал түймэр унтраах, аврах 61 дүгээр ангийн гал унтраах автомашины жолооч, дэд ахлагч Ц.Батхишиг нарын “Автомашины гал түймэр болон хорио цээрийн дэглэмийн үед ашиглах зөөврийн хошуу” бүтээл шалгарсан юм.
“Автомашин зөөвөрлөгч” бүтээл нь гал түймрийн дуудлагаар түргэн шуурхай хүрэлцэн очих үед зам гарц хааж тавьсан машинуудыг минут 30 секундын хугацаанд холдуулж, зам гарцыг чөлөөлөх үүрэгтэй. Машин зөөвөрлөгчийн нэг дугуй нь 160-200 кг буюу нийт 3 тоннын даацын чадалтай. Мөн түргэн тусламж болон цагдаагийн алба хаагчид шуурхай албаны автомашинаар албан үүрэг гүйцэтгэж байх үед гудамж зам талбайг чөлөөлөхөд ч ашиглах боломжтой юм.
“Хийгээр хоолой шалгах” төхөөрөмж нь гал унтраах үйл ажиллагаанд ашиглагддаг 51, 66, 77 мм хоолойг туршин шалгах зориулалттай. Тухайн бүтээлийг ашигласнаар гал унтраах хоолойнд гарсан гэмтлийг тодорхойлох боломжтой.
“Автомашины гал түймэр болон хорио цээрийн дэглэмийн үед ашиглах зөөврийн хошуу” нь хаана ч зөөвөрлөх, гал унтраах автомашин, ариутгалын автомашин, зөөврийн мотопомптой холбон ажиллуулах боломжтой. Ариутгалын бодисыг 25-450 өнцөгтэйгээр цацруулан өгөх зориулалттай. Автомашины доод эд ангийг таван секундэд бүрэн ариутган, халдваргүйжүүлэх боломжтой төхөөрөмж гэдгээрээ тус бүр онцлогтой юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/08/28
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2024/08/28
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2024/08/28
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
