Гамшгаас хамгаалах тухай хуулийн 22 дугаар зүйлийн 22.9 дэх хэсгийг 2020 оны 05 дугаар сарын 14-ний өдрийн хуулиар өөрчлөн найруулж “... гамшгаас хамгаалах улсын албаны бүрэлдэхүүн, ажиллах журмыг онцгой байдлын асуудал эрхэлсэн Засгийн газрын гишүүн, мэргэжлийн ангийн ажиллах дүрмийг онцгой байдлын асуудал эрхэлсэн төрийн захиргааны байгууллагын дарга батална” гэж заасан.
Монгол Улсын Засгийн газрын 2018 оны 11 дүгээр сарын 21-ний өдрийн “Журам батлах тухай” 347 дугаар тогтоол, Шадар сайдын 2017 оны 08 дугаар сарын 17-ны өдрийн “Мэргэжлийн ангийн дүрэм шинэчлэн батлах тухай” 75 дугаар тушаалыг тус тус хуульд нийцүүлэн шинэчлэн батлах гэж байна.
Иймд дээрх журам, дүрэмд тусгах саналыг 2024 оны 08 дугаар сарын 09-ний өдрөөс 09 дүгээр сарын 09-ний өдрүүдэд t.batbaatar@nema.gov.mn цахим шуудангаар ирүүлнэ үү.
Дараах холбоосоор журам, дүрэмтэй танилцана уу.
Гамшгаас хамгаалах улсын албаны ажиллах нийтлэг журам: https://legalinfo.mn/mn/detail/13829
Гамшгаас хамгаалах мэргэжлийн ангийн дүрэм: https://legalinfo.mn/mn/detail/12831
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/08/09
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2024/08/09
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2024/08/09
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
