Өнөөдөр Онцгой байдлын ерөнхий газрын Мэдээллийн технологийн хэлтсээс “Гамшгийн орон зайн мэдээллийн системийн зохион байгуулалт, ашиглалт” сэдвээр сургалт зохион байгууллаа.

Сургалтад нийслэлийн Онцгой байдлын газрын Гамшгийн шуурхай удирдлагын хэлтсийн алба хаагчид хамрагдсан юм. Сургалтаар гамшгийн орон зайн системийн хэрэглээний талаар онол, дадлага хосолсон хэлбэрээр алба хаагчдад мэдлэг мэдээлэл олголоо. 

Энэхүү сургалт нь гамшгийн орон зайн мэдээллийн системд гамшиг, аюулт үзэгдэл, ослын мэдээллийг бүртгэж мэдээллийн сан бүрдүүлэх, гамшгаас хамгаалах үйл ажиллагааг зураглах, удирдлага зохион байгуулалтаар хангахад дэмжлэг үзүүлэх, олон нийтийг мэдээллээр хангах мэдлэг чадварыг дээшлүүлэх зорилготой юм.