Нисгэгчгүй нисэх төхөөрөмжийн оператор-нисгэгч бэлтгэх сургалт эхэллээ
Гамшигтай тэмцэх, урьдчилан сэргийлэх үйл ажиллагаанд нисгэгчгүй хөөрөх төхөөрөмжийг эрэн хайх аврах, тандалт судалгаа хийх чиглэлээр ашигладаг.
Цаашид өндөр барилгын гал түймэр унтраах, агаар сансрын зураглал боловсруулах, холбоо зохион байгуулахад мэргэжлийн нисгэгчгүй нисэх төхөөрөмжийг ашиглахаар зорилго тавин ажиллаж байна.
Энэ хүрээнд алба хаагчдыг сургаж бэлтгэх зорилгоор ОБЕГ-ын Мэдээллийн технологийн хэлтсээс Зэвсэгт хүчний Агаарын цэргийн командлалын 337 дугаар ангийн Нисгэгчгүй нисэх төхөөрөмжийн судалгаа, туршилтын төвтэй хамтран зохион байгуулж байгаа “Нисгэгчгүй нисэх төхөөрөмжийн оператор-нисгэгч” бэлтгэх сургалт, дадлага эхэллээ.
Сургалтад ОБЕГ, НОБГ, Үндэсний аврах бригад, Шуурхай удирдлага, зарлан мэдээлэх төв 119 дүгээр ангийн нийт 30 алба хаагч хамрагдаж байгаа бөгөөд 12 хоног үргэлжлэх юм.
Онол, дадлага хэлбэрээр зохион байгуулагдах тус сургалтаар алба хаагч нисгэгчгүй нисэх төхөөрөмжийн бүтэц, эд ангиудыг үүрэг зорилго, ажиллуулах зарчим, тохиргоо болон шаардлагатай засвар үйлчилгээг хийх, дроныг нислэгт бэлтгэх, өдөр шөнө болон цаг агаарын бүхий л нөхцөлд задгай газар, барилга байгууламж ихтэй газар нисгэх, дроны нислэгт тэнцэх чадвар алдагдсан үед авах арга хэмжээ зэргийг суралцан мэдлэг, ур чадварыг эзэмшинэ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/06/21
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2024/06/21
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2024/06/21
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
