Цаг агаар: 

Төв аймгийн Баянцагаан сумын Гурван түрүү багийн "Балчирын гол" гэдэг газарт /аймгийн төвөөс урд зүгт 142 км, сумын төвөөс зүүн зүгт 30 км/-т 5 ханатай гэр, малын саравч бүрэн шатсан тухай мэдээллийг 04.24-ний өдрийн 16:40 цагт хүлээн авсан. Орон нутгийн иргэд малчин О-ын эзэмшлийн 5 ханатай гэр, эд зүйлсийн хамт, 8х16 метрийн хэмжээтэй малын саравч бууц шатаж байсныг ажиллаж, унтраасан.

Улаанбаатар хот, Баянзүрх дүүрэг 20 дугаар хороо шар өвс шатаж байна гэсэн дуудлагыг 04.24-ний өдрийн 16:01 цагт хүлээн авсан.Тус дүүргийн Онцгой байдлын хэлтсийн Гал түймэр унтраах ,аврах 35 дугаар ангийн алба хаагчдыг очиход иргэн Э-ийн хашаанд 1 га орчим шар өвс шатаж байсныг ажиллаж унтраасан.

Хөвсгөл аймаг, Галт сум Нүхт баг айлын өвөлжөө шатаж  байна гэсэн дуудлагыг 04.25-ны өдрийн 00:32 цагт хүлээн авсан.Тус аймгийн Онцгой байдлын газрын Галт сум дахь Гал түймэр унтраах, аврах 76 дугаар ангийн алба хаагчдыг очиход иргэн Д-ийн эзэмшилийн 9х10 метрийн хэмжээтэй өвөлжөөний 40 м2 хэмжээтэй хашаа шатаж байсныг  ажиллаж унтраасан.

Дархан-Уул аймаг, Дархан сум 15 дугаар баг байшингаас утаа гарч байна гэсэн дуудлагыг 04.25-ны өдрийн 04:10 цагт хүлээн авсан. Тус аймгийн Онцгой байдлын газрын Гал түймэр унтраах, аврах 22 дугаар ангийн алба хаагчдыг очиход иргэн Н-ийн 12х8 метрийн хэмжээтэй байшин шатаж байсныг ажиллаж унтраасан.

Ус цаг уурын гаралтай аюулт үзэгдэл: 

Баян-Өлгий аймаг, Сагсай сум Цагаан-Асгат 3 дугаар багийн “Хар нуур” гэдэг газар /аймгийн төвөөс баруун  зүгт 130 км, сумын төвөөс баруун  зүгт 100 км/-т 04.11-13-ны өдрүүдэд орсон их цасны улмаас Сагсай сумын 600 айл өрх, Улаанхус сумын 200 гаруй айл өрх цасанд боогдож зам даваа хаагдсан тухай дуудлагыг 04.23-ны өдрийн 16:20 цагт хүлээн авсан.Тус аймгийн Онцгой байдлын газрын Гал түймэр унтраах, аврах 31 дүгээр ангийн алба хаагчид  очиж “Хар нуур” гэдэг газар 1 км замын цасыг цэвэрлэж зам гарган 21:30 цагт түр зогсоосон. 04.25-ны өдрийн 09:00 цагт зам даваа нээх ажиллагаа үргэлжилнэ.

ОНЦГОЙ БАЙДЛЫН ЕРӨНХИЙ ГАЗАР