Онцгой байдлын байгууллагын “Шилдэг бүлэг”-ээр Хойд бүсийн “Хоймор” баг шалгарлаа
Онцгой байдлын ерөнхий газраас “Ахлагчийн жил”-ийн хүрээнд Онцгой байдлын байгууллагын “Шилдэг бүлэг” шалгаруулах тэмцээнийг ОБЕГ-ын харьяа Үндэсний аврах бригад болон 185 дугаар ангийн “Дүүрэн булаг” дахь сургалтын цогцолборт хоёр үе шаттайгаар зохион байгууллаа.
.JPG)
Тэмцээнд нийслэл болон бүсийн төвүүдээс шалгарсан нийт 12 баг оролцож, эхний шатанд оюуны чадавхын түвшин (IQ), англи хэлний мэдлэг, нормативын бэлтгэл, “Эх орон” мэдлэг сорих тэмцээн гэсэн төрлөөр алба хаагчдын мэдлэг, оюуныг сорьсон бол хоёрдугаар шатанд гранат шидэлт, саадтай зурвас, буудлага, эзлэгдсэн объект, тусгай даалгавар, татан гаргалт, эмнэлэг, байрзүй, хордсон бүсийг туулах цэгүүдэд бие бялдар, хурд хүч, авхаалж, самбаагаа сорин өрсөлдөж, аваргуудаа шалгарууллаа.
.JPG)
Нийлбэр дүнгээр Хойд бүсийн “Хоймор” баг тэргүүлсэн бол дэд байрыг НОБГ-ын “Мазаалай” баг, гутгаар байрыг НОБГ-ын “Хангарьд” баг, тусгай байрыг Өмнөд бүсийн “Говийнг чоно-2” баг тус тус эзэллээ.
Харин “Шилдэг бүлгийн дарга”-аар Хойд бүсийн II бүлгийн дарга, ахлах ахлагч М.Түмэнжаргал, “Шилдэг мэргэн буудагч”-аар Өмнөд бүсийн I бүлгийн мэргэн буудагч, ахлах ахлагч Б.Энх-Оргил, “Шилдэг холбоочин”-оор Хойд бүсийн II бүлийн холбоочин, ахлагч Б.Догсом, “Шилдэг эмнэлгийн зааварлагч”-аар “Соёмбо” бүлгийн эмнэлгийн зааварлагч, ахлагч Н.Амарбаясгалан нар шалгарсан юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/04/15
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2024/04/15
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2024/04/15
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
