УИХ-ын гишүүн С.Амарсайхан, Ц.Сандаг-Очир нар  Багануур дүүргийн Онцгой байдлын хэлтэст ажиллах үеэрээ туулах чадвар сайтай, бүрэн тоноглосон "Toyota Land qruiser 76" загварын автомашиныг хүлээлгэн өглөө.

Засгийн газар, УОК-оос хаваржилтын хүндрэлийг хохирол багатай даван туулах зорилгын хүрээнд хөдөө орон нутгийн шаардлагатай албан газруудын парк шинэчлэлийг иж бүрэн хийхээр хөрөнгийг нь шийдвэрлэсэн юм.

Багануур дүүргийн Онцгой байдлын хэлтэст 2020 оноос хойш парк шинэчлэлд зориулж туулах чадвар сайтай гурван автомашиныг шийдвэрлэж, олгоод байна.