Онцгой байдлын ерөнхий газраас Өмнөд бүсийн аймгуудын Гал түймэр унтраах, аврах ангиудын салааны захирагч нарын сургалтыг Дундговь аймагт зохион байгуулж байна.

Сургалтыг ОБЕГ-ын Гал түймэртэй тэмцэх газрын хэлтсийн дарга, дэд хурандаа П.Соронзонболд удирдан, Өмнөговь, Дорноговь, Говьсүмбэр, Баянхонгор, Өвөрхангай, Дундговь аймгийн Гал түймэр унтраах аврах ангиудын 30 гаруй салааны захирагч нар хамрагдаж байгаа юм.

Салааны захирагч нарын манлайлал, ур чадвар, үр дүн, албаны бэлтгэл бэлэн байдлыг дээшлүүлэх зорилготой тус сургалт танхим болон дадлага гэсэн хоёр төрлөөр явагдаж байна.