Дотоод хэргийн их сургуулийн түүхт 90 жилийн ой, Онцгой байдлын байгууллага нэгдсэн тогтолцоонд шилжсэний 20 жилийн ойг тохиолдуулан Онцгой байдлын сургуулиас  “Гамшгаас хамгаалах тухай хуулийг хэн сайн мэдэх вэ" сэдэвт дэвжээ тэмцээнийг өнөөдөр зохион байгууллаа.

Тус тэмцээнд Дотоод хэргийн их сургуулийн Цагдаагийн сургууль, Хилийн албаны сургууль, Шүүхийн шийдвэр гүйцэтгэлийн албаны сургууль, Онцгой байдлын сургууль, Эрх зүй, нийгмийн ухааны сургууль, Их засаг олон улсын их  сургуулийн  нийт 9 багийн 72 сонсогч, оюутан оролцож, мэдлэг чадвар, авьяас билэг, авхаалж самбаагаа сорин өрсөлдөж, аваргуудаа шалгаруулсан юм.
Тэмцээний нэгдсэн дүнгээр тэргүүн байрт Дотоод хэргийн их сургуулийн Эрх зүй, нийгмийн ухааны сургуулийн “Сонор” баг, дэд байрт Их засаг олон улсын их сургуулийн “Галт шувуу” баг, гутгаар байрт Их засаг олон улсын их сургуулийн  “DR” баг тус тус шалгарлаа.