Цаг агаар: 

Өнгөрсөн хоногт: Архангай, Завхан аймгийн нутгийн зарим газраар ялимгүй цас орсон. Бусад нутгаар цаг агаар тогтуун байлаа.

Өнөөдөр: Ихэнх нутгаар солигдмол үүлтэй. Хангай, Хөвсгөл, Хэнтийн уулархаг нутаг, Орхон-Сэлэнгийн сав газраар цас орно. Бусад нутгаар цас орохгүй. Салхи ихэнх нутгаар баруун хойноос 5-10 м/с, нутгийн зарим газраар 12-14 м/с хүрч ширүүснэ. Увс нуурын хотгороор -5...-10 градус, Дархадын хотгор, Идэр, Тэс голын хөндийгөөр -2...-7 градус хүйтэн, Монгол-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Байдраг, Эг, Үүр, Туул, Тэрэлж голын хөндийгөөр -1...+4 градус, говийн бүс нутгийн өмнөд хэсгээр +11...+16 градус, бусад нутгаар +4...+9 градус дулаан байна.

Улаанбаатар хотод: Үүлшинэ, цас орохгүй. Салхи баруун хойноос 5-10 м/с, +4...+6 градус дулаан байна.

Гал түймэр: Объектын түймэр:

- Улаанбаатар хот, Хан-Уул дүүрэг6 19 дүгээр хороо, “Оранже таун”-ны 1 дүгээр гудамжинд агуулах шатаж байна гэсэн дуудлагыг 03.21-ний өдрийн 11:39 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 14 дүгээр ангийн алба хаагчид 3 км замыг туулан 11:50 цагт очиход тус тоотод иргэн М-ын 10х15 метрийн хэмжээтэй агуулахын дээврийн хэсэг, дотор нь хураалгаатай байсан 5 ханатай гэр шатаж байсныг 15 минут ажиллаж унтраасан.

- Орхон аймаг, Баян-Өндөр сум. Бүрэнбүст багийн “Залуус” хотхоны 23/Б байрны тагт шатаж гэсэн дуудлагыг 03.21-ний өдрийн 15:47 цагт хүлээн авсан. Тус аймгийн Онцгой байдлын газрын Гал түймэр унтраах, аврах 56 дугаар ангийн алба хаагчид 4 км замыг туулан 15:52 цагт очиход иргэн Т-ийн байрны тагт дээр эд, хогшил шатаж байсныг 11 минут ажиллаж унтраасан.

- Улаанбаатар хот, Сонгинохайрхан дүүрэг. 20 дугаар хороо, Товчооны замд галлагааны байр шатаж байна гэсэн дуудлагыг 03.21-ний өдрийн 17:01 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид 4.5 км замыг туулан 17:09 цагт очиход иргэн О-ын 0х20 метрийн хэмжээтэй гурилын үйлдвэрийн залгаа баригдсан 4х6 метрийн хэмжээтэй галлагааны байрны  дээврийн хэсэг шатаж байсныг 30 минут ажиллаж унтраасан.

- Баянхонгор аймаг, Баянхонгор сум. Есөн-Эрдэнэ багийн 4 дүгээр гудамжинд гэр шатаж байна гэсэн дуудлагыг 03.21-ний өдрийн 19:09 цагт хүлээн авсан. Тус аймгийн Онцгой байдлын газрын Гал түймэр унтраах, аврах 16 дугаар ангийн алба хаагчид 1.3 км замыг туулан 19:12 цагт очиход иргэн С-ийн 5 ханатай гэр, эд хогшил шатаж байсныг 19 минут ажиллаж унтраасан.

- Улаанбаатар хот, Чингэлтэй дүүрэг. 19 дүгээр хороо, Ар согоотын 1 дүгээр гудамжинд гэр шатаж байна гэсэн дуудлагыг 03.22-ны өдрийн 01:42 цагт хүлээн авсан. Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангийн алба хаагчид 7.5 км замыг туулан 01:52 цагт  очиход иргэн А-ийн 5 ханатай гэр, эд хогшил шатаж байсныг 4 минут ажиллаж унтраасан.

- Сэлэнгэ аймаг, Сүхбаатар сум. Боргүвээ багийн 3 дугаар хэссэгт амбаар шатаж байна гэсэн дуудлагыг 03.22-ны өдрийн 03:35 цагт авсан. Тус аймгийн Онцгой байдлын газрын Гал түймэр унтраах, аврах 36 дугаар ангийн алба хаагчид 7 км замыг туулан 03:41 цагт очиход иргэн С-ын 2х4 метрийн хэмжээтэй нүүрсний амбаар шатаж байсныг 19 минут ажиллаж унтраасан.

Хүний үйл ажиллагаатай холбоотой осол. Төөрсөн, сураггүй болсон: 

- Дорнод аймаг, Матад сум. Буян-Өндөр багийн “Тархитын хошуу” гэдэг газар /аймгийн төвөөс зүүн урд зүгт 200 км-т, сумын төвөөс зүүн хойд зүгт 90 км-т/  03.15-ны өдрийн 19:00 цагийн орчим иргэн Ц нь малчин Д-ийн гэрээс согтуугаар явган гарч яваад сураггүй болсон тухай дуудлагыг 03.18-ны өдрийн 10:00 цагт хүлээн авсан. Тус аймгийн Онцгой байдлын газрын Эрэн хайх, аврах ангийн алба хаагчид Матад сум дахь Цагдаагийн тасгийн алба хаагчид хамтран Сүхбаатар аймгийн Баруун-Урт сумын харьяат иргэн Ц/48 настай, эрэгтэй/-ыг эрэн хайх ажиллагааг 03.21-ний өдрийн 07:00 цагаас үргэлжлүүлэн зохион байгуулж, мөн өдрийн 10:50 цагт /гарч явсан гэх айлын гэрээс баруун хойд зүгт 6 км газраас/ цогцсыг нь олж, Матад сумын Цагдаагийн тасгийн дарга, цагдаагийн ахмад Ө.Саранхүүгээр ахлуулсан бүрэлдэхүүнд шилжүүлэн өгсөн. 

Усны осол - Голын мөс цөмөрсөн: 

- Булган аймаг, Хутаг-Өндөр сум. Хутаг багийн "Ацын бярвааз" гэдэг газар /аймгийн төвөөс баруун зүгт 150 км-т, сумын төвөөс баруун зүгт 24 км-т/ 03.21-ний өдрийн 20:00 цагийн орчим 2 хүн “Сэлэнгэ” мөрөнөөр мотоцикльтой гарч яваад голын мөсөнд цөмөрч иргэн Б уснаас эсэн мэнд гарч, иргэн Г живсэн тухай дуудлагыг мөн өдрийн 20:40 цагт хүлээн авсан. Хутаг-Өндөр сум дахь Эрэн хайх, аврах бүлгийн алба хаагчид 24 замыг туулан 21:25 цагт тухайн газарт очсон. Нөхцөл байдалтай танилцаж, тандалт хийгээд 03.22-ны өдрийн 06:00 цагт иргэн Г/26 настай, эрэгтэй/-ийг эрэн хайх ажиллагааг эхлүүлсэн.

- Баян-Өлгий аймаг, Цэнгэл сум. Долоон гаталга багийн “Цагаан гол” гэдэг газар /аймгийн төвөөс баруун хойд зүгт 100 км-т, сумын төвөөс хойд зүгт 15 км-т/ Цэнгэл сумаас “Цагаан гол” гэдэг газрын чиглэлд зорчиж явсан 2 зорчигчтой суудлын автомашин "Цагаан гол"-ын мөсөнд цөмөрч суусан тухай дуудлагыг 03.22-ны өдрийн 03:42 цагт хүлээн авсан. Тус аймгийн Онцгой байдлын газрын Цэнгэл сум дахь Гал түймэр унтраах, аврах 71 дүгээр ангийн алба хаагчид 15 км замыг туулан 04:10 цагт очиход иргэн Е-ын 67-32 й “Уаз 220695” загварын суудлын автомашин мөсөнд цөмөрч усанд суусан байсныг 25 минут ажиллаж, татан гаргасан. 

ОНЦГОЙ БАЙДЛЫН ЕРӨНХИЙ ГАЗАР

-