УБ-Сонгдо эмнэлэг нийгмийн хариуцлагын хүрээнд Онцгой байдлын байгууллагын 15 ажилтан, алба хаагчийг бүтэн биеийн шинжилгээнд үнэ төлбөргүй хамрууллаа.
Тус эмнэлгийн Бизнес хөгжлийн албаны дарга Д.Одбаяр хэлсэн үгэндээ “Онцгой байдлын байгууллагын аврагчид бол чимээгүй баатрууд гэж бид боддог. Хаана гал түймэр, үер усны гамшиг болно, тэнд аврагчид л байдаг. Эмч нарын адилаар хүний алтан амийг аврахыг гол зорилгоо болгон ажилладаг. Бид ОБЕГ-ын Эрүүл мэндийн тасгийн хөдөлмөрийн эрүүл ахуй хариуцсан мэргэжилтэн, хошууч Ц.Даваацэрэнтэй хамтран судалгаа хийсний үр дүнд ажилчдын ажиллах орчин нөхцөлд нь тохируулан багцын шинжилгээгээ бүрдүүлсэн. Тухайлбал хортой, доргилттой, халуун, бүгчим гээд цаг агаарын хүнд нөхцөлд алба хаадаг учир илүү нарийвчилсан шинжилгээнд хамруулахыг зорьсон” хэмээн онцолсон юм.
Шинжилгээнд хамруулсан ажилтан, алба хаагчдын насны хувьд харьцангуй залуу буюу 18-40 насныхан бөгөөд эрэгтэй, эмэгтэй гэсэн хоёр төрлийн багцын шинжилгээнд хамрууллаа. Тухайлбал, ходоодны дуран, зүрх, хэвлийн эхо, зүрхний бичлэг, хөхний рентген, нойр булчирхай, бөөрний шинжилгээ зэрэг бий бөгөөд холбогдох эмчийн үзлэгүүд ч багтсан байна.
2024/03/18Шинэ мэдээ
Сарын эхэн үе буюу нэгдүгээр арав хоногийн эхээр нутгийн баруун болон төвийн нутгаар сэрүүсэж бороо, нойтон цас, цас орж, салхи шуургатай байна. Нэгдүгээр арав хоногийн сүүл, хоёрдугаар арав хоногийн эхээр ихэнх нутгаар температур сэрүүсэж, цасан болон шороон шуургатай. Аажмаар дулаарч сарын дунд үе буюу хоёрдугаар арав хоногийн дунд, сүүлч үеэр дулаарна. Сарын эхэн үеэр баруун аймгуудын нутгаар хур тунадас орох бөгөөд энэ үед салхины хурд нэмэгдэж, ширүүсэх төлөвтэй ба сарын нэгдүгээр арав хоногийн эхэн болон сүүлч, хоёрдугаар арав хоногийн эхэн үеэр зүүн болон говийн аймгуудын нутгаар, хоёрдугаар арав хоногийн дунд болон сүүлч, мөн сарын сүүлчээр ихэнх нутгаар хур тунадас орох буюу уулархаг газраар нойтон цас, говь тал хээрийн бүс нутгаар бороо орох төлөв гарчээ.
2024/03/18Шинэ мэдээ
Сургалтад Үндэсний аврах бригадын 9 алба хаагч хамрагдан хөтөлбөрийн дагуу онолын мэдлэг олгох, сургалтын симуляторын программыг хослуулан дадлагажих, ҮБХИС-ийн хээрийн сургалтын төвд DJI Phantom-4, Mavic Pro загварын дронуудыг ашиглан бодит дадлагыг хийж гүйцэтгэсэн юм.
2024/03/18Шинэ мэдээ
Энэхүү сургалт нь Азийн хөгжлийн банкны дэмжлэгтэйгээр хэрэгжүүлсэн “Гамшгийн эрсдэлийн үнэлгээ, төлөвлөлт болон эрсдэл шилжүүлэх чадавхыг бэхжүүлэх төсөл”-ийн хүрээнд зохион байгуулагдснаараа онцлог юм.