“МАРШ ТАКТИК, ТУСГАЙ БЭЛТГЭЛ-2024” ТЭМЦЭЭН АМЖИЛТТАЙ БОЛЖ ӨНДӨРЛӨЛӨӨ
Онцгой байдлын байгууллагын 20 жилийн ой, “Монгол цэргийн өдөр”-ийг тохиолдуулан, нийслэлийн Онцгой байдлын газрын “Марш тактик, тусгай бэлтгэл-2024” тэмцээнийг Сонгинохайрхан дүүргийн XXI хороо, ОБЕГ-ын харьяа 185 дугаар ангийн "Дүүрэн булаг" дахь сургалтын талбайд өчигдөр зохион байгууллаа. 2004 оноос уламжлал болгон явуулдаг энэхүү тэмцээнийг ОБЕГ-ын Тэргүүн дэд дарга, бригадын генерал Ж.Чүлтэмсүрэн, НОБГ-ын дарга, хурандаа А.Дашням нар нээж, баг тамирчдад амжилт хүсэв.
Энэ удаагийн “Марш тактик, тусгай бэлтгэл-2024” тэмцээнд бүтцийн нэгжийн эрэгтэй 16, эмэгтэй дөрвөн багийн нийт 200 гаруй алба хаагч эр зориг, хурд хүч, авхаалж самбаа, тэсвэр хатуужлаа сорин өрсөлдсөн юм.
Багийн нийт дүнгээр эрэгтэй төрөлд тэргүүн байрт Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, дэд байрт Аврах анги, гуравт Налайх дүүргийн Онцгой байдлын хэлтсийн Гал түймэр унтраах, аврах 28 дугаар ангийн баг тамирчид шалгарсан. Харин эмэгтэй төрлийн тэргүүн байрыг Хан-Уул дүүргийн Онцгой байдлын хэлтсийн баг тамирчид хүртэж шилжин явах цом, өргөмжлөл, медаль, мөнгөн шагналын эзэд боллоо.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/03/15
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2024/03/15
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2024/03/15
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
