Монгол Улсад орчин цагийн Зэвсэгт хүчин үүсэн байгуулагдсаны 103 жилийн ой, “Монгол цэргийн өдөр”-ийг угтан төрийн цэргийн болон хууль сахиулах байгууллагуудын удирдах бүрэлдэхүүний дунд жил бүр уламжлал болгон зохион байгуулагддаг “Бидний нөхөрлөл” нөхөрсөг тэмцээн үргэлжилж байна.  

Тус тэмцээн төрийн цэргийн болон хууль сахиулах байгууллагын удирдлагуудын нэгдмэл хамтын ажиллагааг бэхжүүлэх, нөхөрсөг уур амьсгалыг бүрдүүлэх зорилготой.

Мөн бие бялдрын бэлтгэлжилт, бэлэн байдлыг дээшлүүлэхэд чиглэдэг.

Энэ удаагийн тэмцээнийг хуваарийн дагуу Дотоодын цэргийн байгууллага хариуцан зохион байгуулж байгаа бөгөөд 12 байгууллагын 150 гаруй удирдах бүрэлдэхүүн оролцож байна.

Тэмцээн буудлага, биллиардын тоглолтоор өчигдөр эхэлж, өнөөдөр волейболын тоглолтоор үргэлжлэв.