Монгол цэргийн нэгдсэн холбоо хандивын аянд нэгдлээ
Өвөлжилт, хаваржилтын нөхцөл байдал хүндэрсэнтэй холбогдуулан малчдад туслах хандивын аянд Монгол цэргийн нэгдсэн холбоо нэгдээд буй. Тэд зүүн аймгуудын малчдад хоёр автомашин өвс, 100 гаруй хүнсний тусламжийн багц хүргэсэн бол Төв аймгийн Өндөрширээт сумын малчдад нэг автомашин өвс, тусламжийн багцыг хандивлажээ.
Харин өнөөдөр тус холбооны дэргэдэх “Эмэгтэйчүүдийн клуб”, “Монгол генералын гэргий” клубын эмэгтэйчүүд хамтран 200 ширхэг нэмнээ хандивлалаа.
Хандивыг Монгол цэргийн нэгдсэн холбооны ажлын албаны дарга, бэлтгэл хурандаа Ж.Ванчинсүрэн, “Эмэгтэйчүүдийн клуб”-ын тэргүүн Ч.Отгонбаяр, “Монгол генералын гэргий” клубын тэргүүн С.Алтанцэцэг, удирдах зөвлөлийн гишүүдийн төлөөлөл Онцгой байдлын ерөнхий газрын тэргүүн дэд дарга бөгөөд штабын дарга, бригадын генерал Ж.Чүлтэмсүрэнд хүлээлгэн өгсөн юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/03/11
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2024/03/11
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2024/03/11
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
