Цаг агаар: 

Өнгөрсөн хоногт:  Нийт нутгаар цаг агаар тогтуун байлаа.

Өнөөдөр: Нутгийн баруун хагаст үүлшинэ. Бусад нутгаар багавтар үүлтэй. Өдөртөө Монгол-Алтайн уулархаг нутгаар ялимгүй цас орно. Бусад нутгаар цас орохгүй. Салхи нутгийн зүүн хэсгээр баруун хойноос, бусад нутгаар баруун өмнөөс 5-10 м/с. Өдөртөө Увс нуурын хотгор, Тэс голын хөндийгөөр -13...-18 градус, Дархадын хотгор, Завхан голын эхээр -8...-13 градус, Хөвсгөл, Хэнтийн уулархаг нутаг, Хүрэнбэлчир орчим, Идэр, Туул, Тэрэлж, Хэрлэн голын хөндийгөөр -1...-6 градус хүйтэн, Их нууруудын хотгор, говийн бүс нутгийн баруун өмнөд хэсгээр +5...+10 градус, бусад нутгаар -2...+3 градус дулаан байна.

Улаанбаатар хотод: Багавтар үүлтэй, цас орохгүй, салхи баруун хойноос 3-8 м/с, Өдөртөө 0...-2 градус хүйтэн байна.

Гал түймэр: Объектын түймэр:

- Улаанбаатар хот, Сүхбаатар дүүрэг. 1 дүгээр хорооны “Ой”-н 3 дугаар гудамжинд баригдаж байгаа барилгад гал гарч байна гэсэн дуудлагыг 03.10-ны өдрийн 13:18 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 3 км зам туулан 13:23 цагт очиход баригдаж байгаа барилгын гадна талыг хучсан бүтээлэг шатаж байсныг 30 минут ажиллаж унтраасан. 

- Өмнөговь аймаг, Даланзадгад сум. 2 дугаар багийн “Хан-Уул”-ын 4 дүгээр гудамжинд гэр шатаж байна гэсэн дуудлагыг 03.10-ны өдрийн 14:41 цагт хүлээн авсан. Тус аймгийн Онцгой байдлын газрын Гал түймэр унтраах, аврах 21 дүгээр ангийн алба хаагчид  2 км зам туулан 14:45 цагт очиход иргэн Ц-ийн 4 ханатай гэр шатаж байсныг 5 минут ажиллаж унтраасан. 

- Сүхбаатар аймаг, Баруун-Урт сум. Хайлааст-Үүд багийн “Өндөр” гэдэг газар /аймгийн төвөөс баруун хойд зүгт 14 км-т/ тус сумын харьяат иргэн Д-ийн суудлын автомашин 03.10-ны өдрийн 19:15 цагт шатсан тухай мэдээллийг хүлээн авсан. Иргэн Д-ийн  “Эксель” загварын суудлын автомашин шатсан тухай мэдээллийг иргэн Д 21:50 цагт аймгийн Онцгой байдлын газарт ирүүлсэн.  

- Орхон аймаг, Баян-Өндөр сум. Эрдэнэ багийн 21 дүгээр гудамжинд гэр шатаж байна гэсэн дуудлагыг 03.11-ний өдрийн 00:02 цагт хүлээн авсан. Тус аймгийн Онцгой байдлын газрын Гал түймэр унтраах, аврах 68 дугаар ангийн алба хаагчид  1.5 км зам туулан 00:05 цагт очиход эзэнгүй 5 ханатай гэр шатаж байсныг 5 минут ажиллаж унтраасан. 

Геологийн гаралтай аюулт үзэгдэл: 

- Увс аймаг, Улаангом сум. 5 дугаар багт үерийн хамгаалалтын далан сэтэрч, айлууд усанд автаж болзошгүй тухай дуудлагыг 03.09-ний өдрийн 11:48 цагт хүлээн авсан. 03.10-ны өдөр Тус аймгийн Онцгой байдлын газрын Эрэн хайх, аврах салбарын  алба хаагчид тус сумын мэргэжлийн ангийн ажилтан, Цэргийн штабын дүйцүүлэх албаны алба хаагчидтай хамтран  5 км замыг туулан 11:05 цагт очиж 150 м газар шуудуу татаж, 126 м3 шороо асгаж 1.8 м өндөр, 200 м урт, 3.5 м өргөн даланг сэргээн засварлаж хэвийн болгож 19:10 цагт буцсан.

ОНЦГОЙ БАЙДЛЫН ЕРӨНХИЙ ГАЗАР