Зүүн бүсийн ахлагч бүрэлдэхүүний уулзалтын нээлтийн арга хэмжээг зохион байгууллаа
Монгол Улсын Ерөнхийлөгч, Зэвсэгт хүчний Ерөнхий командлагч 2024 оныг “Ахлагчийн жил” болгон зарласантай холбогдуулан "Ахлагчийн алба-мэргэшсэн алба уриан дор" Зүүн бүсийн Дорнод, Хэнтий, Сүхбаатар аймгийн Онцгой байдлын газруудын анги, салбар нэгжийн ахлагч бүрэлдэхүүний уулзалтын нээлтийн арга хэмжээг зохион байгууллаа.
ОБЕГ-ын дэд дарга, бригадын генерал Б.Ууганбаяр хэлсэн үгэндээ "Онцгой байдлын байгууллага нь гал түймэр, цасан шуурга, зуд, халдварт өвчин, үер ус зэрэг бүхий л гамшиг ослын дуудлагаар байгаль, цаг уурын хүнд нөхцөлд олон хоногоор гэр бүл, үр хүүхдээсээ хол үүрэг гүйцэтгэдэг онцлогтой. Манай байгууллагын нийт бие бүрэлдэхүүний 71.5 хувийг ахлагч бүрэлдэхүүн эзэлж байна. Тиймээс ахлагч бүрэлдэхүүний тус байгууллагад үзүүлэх манлайлал, оролцоог нэмэгдүүлэхэд та бүхний оролцоо туйлын чухал" хэмээн хэлсэн үгэндээ онцолсон юм.
Энэ үеэр ОБЕГ-ын рьдчилан сэргийлэх газрын Гамшгаас хамгаалах, сургалт, сурталчилгааны хэлтсийн дарга, хурандаа Д.Бат-эрдэнэ “Хувь хүний хөгжил, манлайлал” сэдвээр сургалт хийлээ.
Тус арга хэмжээнд Зүүн бүсийн Онцгой байдлын газруудын алба хаагчдыг цахимаар болон танхимаар хамруулсан бөгөөд 260 орчим хаагч оролцсон юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/03/07
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2024/03/07
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2024/03/07
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
