Онцгой байдлын ерөнхий газар, АНУ-ын Ойн албаны хамтарсан ажлын хэсгийн “Ослын үеийн удирдлагын тогтолцооны уулзалт”-ыг өнөөдөр зохион байгууллаа.

Уулзалтаар ажлын хэсгийн зорилго, бүтэц болоод  сургагч багш бэлтгэх сургалт, хөтөлбөрийн талаар санал солилцсон юм.

Мөн олон улсын удирдлагын тогтолцоог нэвтрүүлэх, алба хаагчдыг сургагч багшаар бэлтгэх,  сургагч багш нарын тусламжтайгаар сургалтыг үе шаттайгаар зохион байгуулах талаар хэлэлцлээ.

Өнгөрсөн 10 жилийн хугацаанд ОБЕГ, АНУ-ын Ойн алба нь хамтран тус улсын Олон улсын хөгжлийн агентлагийн дэмжлэгтэйгээр гамшгийн менежментийн хамтын чиг хандлагыг хэрэгжүүлж ирсэн бөгөөд үйл ажиллагаанд төв, орон нутгийн Онцгой байдлын байгууллага, НҮБ-ын байгууллагууд болон холбогдох бусад байгууллагуудыг хамруулсан юм.