“Ард санхүүгийн нэгдэл”-ийн хамт олноос малчдад туслах хандивын  аянд нэгдэж, 300 сая төгрөгийн үнэ бүхий уураг, эрдэсийн өндөр агууламтай малын тэжээлийг хандивласан бол “Монгол Улсын консерватори”-ийн багш, ажилтан, алба хаагчид 1.9 сая төгрөгийг гардуулан өглөө.

Мөн “Тээвэр зуучлагчдын нэгдсэн холбоо”-оос 17 төгрөгийг хандивлаж, малчид иргэдэдээ туслах хандивын аянд нэгдэж байгаагаа илэрхийлсэн юм.

Малчдад туслах хандивын аян 02 дугаар сарын 20-аас эхэлж, улмаар 03 дугаар сарын 01-ний өдрүүдийн байдлаар иргэн, аж ахуйн нэгж, байгууллагаас 2.9 тэрбум төгрөгийн мөнгөн хандив, 773.1 сая төгрөгийн бараа, материалын хандив буюу нийт 3.7 тэрбум төгрөгийн хандив тусламж Улсын онцгой комисст ирүүлээд байна.