Цаг агаар: 

Өнгөрсөн хоногт: Архангай, Баянхонгор, Булган, Дорнод, Дорноговь, Өвөрхангай, Сүхбаатар, Хөвсгөл аймгийн нутгийн зарим газраар ялимгүй  цас орсон.

Өнөөдөр: Ихэнх нутгаар солигдмол үүлтэй. Баруун болон төвийн аймгуудын нутгийн зарим газраар цас орно. Салхи ихэнх нутгаар баруун хойноос 5-10 м/с, говь, талын нутгаар 13-15 м/с хүрч ширүүсэж, явган шуурга шуурна. Увс нуур болон Дархадын хотгор, Завхан голын эх, Идэр, Тэс голын хөндийгөөр -24-29 градус, Хангай, Хөвсгөл, Хэнтийн уулархаг нутаг, Хүрэнбэлчир орчмоор -19-24 градус, Орхон-Сэлэнгийн сав газар, Хараа, Ерөө, Тэрэлж, Онон, Улз, Хэрлэн голын хөндийгөөр -14-19 градус, говийн бүс нутгийн өмнөд хэсгээр -5-10 градус, бусад нутгаар -10-15 градус хүйтэн байна.

Улаанбаатар хотод: Үүлшинэ, цас орохгүй. Салхи баруун хойноос 6-11 м/с, -13-15 градус хүйтэн байна.

Гал түймэр: Объектын түймэр:

- Хэнтий аймаг, Хэрлэн сум. Хэрлэн багийн “Хийд” хорооллын 3 дугаар гудамжинд байшин шатаж байна гэсэн дуудлагыг 02.26-ны өдрийн 10:50 цагт хүлээн авсан. Тус аймгийн Онцгой байдлын газрын Гал түймэр унтраах, аврах 32 дугаар ангийн алба хаагчид 2 км  замыг туулан 10:53 цагт очиход тус тоотод иргэн О-ын 3х4 метрийн хэмжээтэй байшингийн дотор талын хана, таазны хэсэг, эд хогшил шатаж байсныг 34 минут ажиллаж унтраасан.     

- Улаанбаатар хот, Сүхбаатар дүүрэг. 12 дугаар хороо, Хангайн 3 дугаар гудамжинд гэр шатаж байна гэсэн дуудлагыг 02.26-ны өдрийн 11:26 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 3.5 км замыг туулан 11:32 цагт очиход иргэн Г-ийн 5 ханатай гэр, эд хогшил шатаж байсныг 15 минут ажиллаж унтраасан.      

- Баянхонгор аймаг, Баянхонгор сум. Эрдэнэмандал багийн 32 дугаар гудамжинд гэр шатаж байна гэсэн дуудлагыг 02.26-ны өдрийн 12:19 цагт хүлээн авсан. Тус аймгийн Онцгой байдлын газрын Гал түймэр унтраах, аврах 16 дугаар ангийн алба хаагчид 5 км замыг туулан 12:25 цагт очиход иргэн А-ийн 4 ханатай гэр шатаж байсныг 2 минут ажиллаж унтраасан.

- Улаанбаатар хот, Сонгинохайрхан дүүрэг. 33 дугаар хороо, Сургуулийн 1 дүгээр гудамжинд Түргэн үйлчилгээний цэг шатаж байна гэсэн дуудлагыг 02.26-ны өдрийн 15:18 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид 10.5 км замыг туулан 15:33 цагт очиход иргэн А-ийн 4х6 метрийн хэмжээтэй түргэний үйлчилгээний цэг шатаж байсныг 30 минут ажиллаж унтраасан.

- Хөвсгөл аймаг, Мөрөн сум. Жилчиг багийн 30 дугаар гудамжинд суудлын автомашин шатаж байна гэсэн дуудлагыг 02.26-ны өдрийн 15:30 цагт хүлээн авсан. Тус аймгийн Онцгой байдлын газрын Гал түймэр унтраах, аврах 27 дугаар ангийн алба хаагчид 7 км замыг туулан 15:38 цагт очиход иргэн Т-ын ‘’Сангёонг истана’’ загварын суудлын автомашин шатаж байсныг 3 минут ажиллаж унтраасан.

- Баянхонгор аймаг, Бөмбөгөр сум. Бургас багийн "Хадын-Үзүүр" гэдэг газар /аймгийн төвөөс баруун зүгт 142 км-т, сумын төвөөс баруун урд зүгт 40 км-т өвөлжөө шатсан тухай мэдээллийг 02.26-ны өдрийн 22:19 цагт хүлээн авсан. Тус сумын мэргэжлийн ангийн 11 алба хаагч, 2 автомашинтай ажиллаж унтраасан тухай мэдээллийг сумын Засаг даргын орлогч С.Бат-Эрдэнэ аймгийн Онцгой байдлын газарт мэдээлсэн.

- Дорнод аймаг, Дашбалбар сум. Сэвсүүл жараахай багийн “Харзат" гэдэг газар /аймгийн төвөөс хойд зүгт 150 км-т, сумын төвөөс баруун зүгт 50 км-т/ 02.25-ны өдрийн 18:00 цагийн орчим гэр шатсан тухай мэдээллийг 02.26-ны өдрийн 09:30 цагт хүлээн авсан.  Гал түймэрт малчин Д-ийн 5 ханатай гэр, эд хогшил шатсан тухай мэдээллийг Дашбалбар сумын Засаг дарга Ж.Ёндонжамц аймгийн Онцгой байдлын газарт мэдээлсэн.

- Дундговь аймаг, Сайнцагаан сум. 7 дугаар багийн 115 дугаар байранд гал гарч байна гэсэн дуудлагыг 02.27-ны өдрийн 04:14 цагт хүлээн авсан. Тус аймгийн Онцгой байдлын газрын Гал түймэр унтраах, аврах 25 дугаар ангийн алба хаагчид 2 км  замыг туулан 04:18 цагт очиход иргэн Э-ын гал тогооны өрөөнд хөргөгч шатаж байсныг 26 минут ажиллаж унтраасан.  Утаажилтын бүсээс тус орцны 17 хүнийг /том хүн 10, хүүхэд 7/ аюулгүй газарт гаргасан.

Хүний үйл ажиллагаатай холбоотой осол. Цасанд суусан: 

- Улаанбаатар хот, Налайх дүүрэг. 3 дугаар хороо, “Налайхын гол”,  “Хөндлөнгийн-Ам” гэдэг газар 4 зорчигчтой ачааны болон суудлын автомашин цасанд суусан тухай дуудлагыг 02.25-ны өдрийн 11:36 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид 50 км замыг туулан 14:44 цагт очиход иргэн Б-ын "Киа бонго-пронтиер" загварын бага оврын ачааны автомашин, иргэн Г-ийн “Хьюндай санта фе” загварын суудлын автомашин цасанд суусан байсныг 40 минут ажиллан татан гаргасан.

- Улаанбаатар хот, Налайх дүүрэг. 3 дугаар хороо, “Хөндлөнгийн-Ам” гэдэг газар 2 зорчигчтой суудлын автомашин цасанд суусан тухай дуудлагыг 02.26-ны өдрийн 15:25 цагт хүлээн авсан. Тус  дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид 7 км замыг туулан 16:03 цагт очиход иргэн Г-ийн "Тоёота приус-20" загварын суудлын автомашин цасанд суусан байсныг 3 минут ажиллаж, татан гаргасан.

- Улаанбаатар хот, Налайх дүүрэг. 3 дугаар хороо, “Хар чулуут” гэдэг газар 3 зорчигчтой суудлын автомашин цасанд суусан тухай дуудлагыг 02.26-ны өдрийн 14:38 цагт хүлээн авсан. Тус  дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид 5 км замыг туулан 16:28 цагт очиход иргэн Б-ын "Тоёота раум" загварын суудлын автомашин цасанд суусан байсныг 5 минут ажиллаж, татан гаргасан. 

- Улаанбаатар хот, Налайх дүүрэг. 1 дүгээр хороо, “Майхан-Уул” гэдэг газар суудлын автомашин цасанд суусан тухай дуудлагыг 02.26-ны өдрийн 18:35 цагт хүлээн авсан. Тус  дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид 12 км замыг туулан 19:08 цагт очиход иргэн А-ын "Тоёота аллион" загварын суудлын автомашин цасанд суусан байсныг 50 минут ажиллаж, татан гаргасан.    

- Хэнтий аймаг, Галшар сум. Баянбадрал багийн "Долооны гол" гэдэг газар /аймгийн төвөөс урд зүгт 70 км-т, сумын төвөөс хойд зүгт 75 км-т/ Хэрлэн сумаас Галшар сумын чиглэлд зорчиж явсан автомашинууд цасанд суусан тухай дуудлагыг 02.26-ны өдрийн 19:35 цагт хүлээн авсан. Галшар суманд үүрэг гүйцэтгэж байсан тус аймгийн Онцгой байдлын газрын Бор-Өндөр сум дахь Онцгой байдлын хэлтсийн алба хаагчид 75 км замыг туулан 23:21 цагт очиход 14 зорчигчтой, суудлын 6, бага оврын 3 ачааны автомашин тус тус цасанд суусан байсныг 2 цаг 30 минут ажиллаж татан гаргасан.

- Сүхбаатар аймаг, Эрдэнэцагаан сум. Жаргалант багийн “Ямаатын сэрвэн” гэдэг газар /аймгийн төвөөс зүүн урд зүгт 120 км-т, сумын төвөөс баруун хойд зүгт 100 км-т/ Баруун-Урт сумаас Эрдэнэцагаан сумын чиглэлд зорчиж явсан автомашинууд цасанд суусан тухай дуудлагыг 02.27-ны өдрийн 03:10 цагт хүлээн авсан. Тус аймгийн Онцгой байдлын газрын Эрдэнэцагаан сум дахь Гал түймэр унтраах, аврах 47 дугаар ангийн алба хаагчид 100 км замыг туулан 05:50 цагт очиход 26 зорчигчтой, 7 суудлын автомашин цасанд суусан байсныг 40 минут ажиллаж татан гаргасан.

ОНЦГОЙ БАЙДЛЫН ЕРӨНХИЙ ГАЗАР