"Хилэнт эх" хэмээх луу жилийн цагаан сарын баярыг угтан ахмад настнуудыг хүлээн авч хүндэтгэл үзүүлэх арга хэмжээг ОБЕГ-ын удирдлага, Ахмадын хорооны удирдах зөвлөлөөс өнөөдөр зохион байгууллаа.

Хүндэтгэлийн арга хэмжээнд ОБЕГ-ын дарга, хошууч генерал Г.Ариунбуян оролцож, хүрэлцэн ирсэн ахмадууддаа сар шинийн мэндчилгээ дэвшүүлэн, 60, 70, 90 насны ой тохиож байгаа ахмадуудад гарын бэлэг гардуулсан юм.

Энэ үеэр “Онцгой байдлын албаны төлөө-1” тэмдгээр 5, Ахмадын хорооны “Ахмадын алдар” тэмдгээр 5 ахмадыг тус бүр шагналаа. Мөн Ахмадын хорооны гишүүн 9 хүнд мөнгөн тусламжийг үзүүллээ.