Цаг агаар:

Өнгөрсөн хоногт: Нийт нутгаар цаг агаар тогтуун байлаа.

Өнөөдөр: Ихэнх нутгаар солигдмол үүлтэй. Шөнөдөө Хэнтийн уулархаг нутаг, Онон, Улз, Халх голын сав газраар, өдөртөө Халх голын сав газраар ялимгүй цас орно. Бусад нутгаар цас орохгүй. Нутгийн зүүн хагаст баруун хойноос, бусад нутгаар баруунаас 5-10 м/с, говь, талын нутгаар зарим үед 12-14 м/с хүрч ширүүснэ. Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө -37-42 градус, өдөртөө -28-33, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Ерөө, Туул, Тэрэлж, Онон, Улз, Халх голын хөндий, Дорнод-Монголын тал нутгаар -шөнөдөө 32-37 градус, өдөртөө -20-25, Хангайн нурууны өвөр бэл, говийн бүс нутгийн баруун өмнөд хэсгээр шөнөдөө -18-23 градус, бусад нутгаар -24-29 градус, өдөртөө -5-10 градус, говийн бүс нутгийн зүүн хойд хэсгээр -9-14 градус, бусад нутгаар -15-20 градус хүйтэн байна.

Улаанбаатар хотод: Үүлшинэ, цас орохгүй. Салхи баруун хойноос 3-8 м/с. Шөнөдөө -27-36 градус, өдөртөө -18-20 градус хүйтэн байна.

Төлөв байдал: 31-ний өдөр Монгол-Алтайн уулархаг нутаг, Халх голын сав газраар, 2-р сарын 01-ний өдөр Хангай, Хөвсгөлийн уулархаг нутгаар ялимгүй цас, 02-ны өдөр баруун аймгуудын нутгийн баруун болон өмнөд хэсгээр, 03-ны өдөр баруун аймгуудын нутгийн баруун, говийн аймгуудын нутгийн өмнөд хэсгээр цас орно. Салхи ихэнх хугацаанд 5-10 м/с, 30-ны өдөр нутгийн зарим газраар, 31-ний өдөр говь, талын нутгаар 12-14 м/с хүрч ширүүснэ. Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө -38-43 градус, өдөртөө -28-33 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Ерөө, Туул, Тэрэлж, Хэрлэн, Улз, Халх голын хөндий, Дарьгангын тал нутгаар шөнөдөө -32-37 градус, өдөртөө -22-27 градус, говийн бүс нутгийн баруун өмнөд хэсгээр шөнөдөө -19-24 градус, өдөртөө -9-14 градус, бусад нутгаар шөнөдөө -25-30 градус, өдөртөө -15-20 градус хүйтэн байна.

Гал түймэр: 

- Хувийн өмчид гарсан: Улаанбаатар хот, Багануур дүүрэг 5 дугаар хороо, Их гүний 17 дугаар гудамжинд байшин шатаж байна гэсэн дуудлагыг 01.29-ний өдрийн 09:40 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 64 дүгээр ангийн алба хаагчдыг очиход иргэн С-ийн 8х8 метрийн хэмжээтэй 2 давхар байшингийн 4х8 метрийн хэмжээтэй галлагааны өрөөний хэсэг шатаж байсныг  ажиллаж унтраасан.

Улаанбаатар хот, Баянгол дүүрэг 6 дугаар хороо хог шатаж байна гэсэн дуудлагыг 01.29-ний өдрийн 18:44 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход нүүрсний хаягдал шатаж  байсныг  ажиллаж унтраасан.    

Дорноговь аймаг, Айраг сум Цагаан дөрвөлж багийн Төмөр замын 9 дүгээр гудамжинд байшин шатаж байна гэсэн дуудлагыг 01.29-ний өдрийн 23:26 цагт хүлээн авсан.  Тус аймгийн Онцгой байдлын газрын Гал түймэр унтраах, аврах 23 дугаар ангийн алба хаагчдыг очиход  иргэн Б-н 9х9 метрийн хэмжээтэй байшингийн үүдний амбаарын дээврийн хэсэг шатаж байсныг  ажиллаж унтраасан.  

Орхон аймаг, Баян-Өндөр сум Эрдэнэ баг гэр шатаж байна гэсэн дуудлагыг 01.30-ны өдрийн 00:56 цагт хүлээн авсан. Тус аймгийн Онцгой байдлын газрын Гал түймэр унтраах, аврах 68 дугаар  ангийн алба хаагчдыг очиход иргэн С-ийн 5 ханатай гэр, эд хогшил шатаж байсныг ажиллаж унтраасан.

Улаанбаатар хот, Баянзүрх дүүрэг 27 дугаар хороо, Сэлбийн 5 дугаар гудамжинд байшин шатаж байна гэсэн дуудлагыг 01.29-ний өдрийн 10:52 цагт хүлээн авсан. Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчдыг очиход иргэн М-ийн 5 ханатай гэр, 6х8 метрийн хэмжээтэй 2 давхар байшин шатаж байсныг ажиллаж унтраасан.

ОНЦГОЙ БАЙДЛЫН ЕРӨНХИЙ ГАЗАР