Онцгой байдлын ерөнхий газраас улсын хэмжээнд сүүлийн 20 жилд тохиолдсон гамшиг, аюулт үзэгдэл, ослын мэдээллийн санг бүрдүүлэхээр ажиллаж байна.

Урьдчилан сэргийлэх газрын дарга, хурандаа Ц.Уранчимэг ахалж байгаа бөгөөд энэ сарын 8-19-ний өдрүүдэд мэдээллийн сан бүрдүүлэх ажлыг зохион байгуулах сургалт дадлагыг зохион байгуулж, мэргэжил аргазүйн зөвлөгөө өглөө. 

 ОБЕГ-ын дэргэдэх Гамшиг судлалын үндэсний хүрээлэн, бүсийн төв нийслэл, Орхон, Өмнөговь, Дорнод, Ховд аймгийн Онцгой байдлын газруудын дүн бүртгэл хариуцсан мэргэжилтнүүд мэдээллийн сан бүрдүүлэх ажлыг гүйцэтгэж байна.