Онцгой байдлын албаны ахмад ажилтнуудад төрийн дээд одон медаль гардууллаа
Монгол Улсын Ерөнхийлөгчийн зарлигаар Онцгой байдлын албанд олон жил үр бүтээлтэй ажиллаж байсан зарим ахмадуудад төрийн дээд одон, медаль хүртээснийг өнөөдөр ОБЕГ-ын дарга, хошууч генерал Г.Ариунбуян гардуулан өглөө.
“Цэргийн гавьяаны улаан тугийн одон”-оор НОБГ-ын ахмад ажилтан Д.Эрдэнэбилэг, Дорноговь аймгийн Онцгой байдлын газрын ахмад ажилтан Д.Чулуунхүү, “Цэргийн гавьяаны одон”-оор Дорноговь аймгийн Онцгой байдлын газрын ахмад ажилтан А.Ганжаргал, Хэнтий аймгийн Онцгой байдлын газрын ахмад ажилтан Б.Мягмаржав, мөн газрын ахмад ажилтан Д.Бат-Эрдэнэ, мөн газрын ахмад ажилтан Л.Алтанцаг, мөн газрын ахмад ажилтан П.Алтанцоож,
“Алтан гадас одон”-оор ОБЕГ-ын дэргэдэх Гамшиг судлалын үндэсний хүрээлэнгийн радиологич-судлаач А.Нарангэрэл, Дорноговь аймгийн Онцгой байдлын газрын ахмад ажилтан Б.Түмэнбаяр, Хэнтий аймгийн Онцгой байдлын газрын ахмад ажилтан Ш.Дулмаа нар шагнагдлаа.
Энэ үеэр хошууч генерал Г.Ариунбуян “Төрийн дээд, одон медаль хүртсэн ахмадууддаа хувиасаа болон нийт бие бүрэлдэхүүнийхээ өмнөөс халуун баяр хүргэе. Онцгой байдлын байгууллагын тулгын гурван чулуу болох Гал түймэртэй тэмцэх газар, Иргэний хамгаалалтын газар, Улсын нөөцийн газруудад залуу халаа нас, эрдэм, мэдлэг, ур чадвараа дайчлан ажилласан та бүхнээрээ үе, үеийн алба хаагчид бахархаж байгаа. Та бүхэндээ эрүүл энх, сайн сайхан бүхнийг хүсэн ерөөе” гэлээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/01/12
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2024/01/12
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2024/01/12
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
