Цаг агаар:

Өнгөрсөн хоногт: Улаанбаатар хот болон Дорнод, Сэлэнгэ, Төв аймгийн нутгаар цас орсон.  Бусад нутгаар  цаг агаар тогтуун байлаа.

  Өнөөдөр: Нутгийн баруун хэсгээр үүлшинэ. Бусад нутгаар солигдмол үүлтэй. Монгол-Алтай, Хөвсгөлийн уулархаг нутгаар цас орж, цасан шуурга шуурна. Салхи баруун өмнөөс 5-10 м/с, Монгол-Алтайн уулархаг нутаг болон, тал хээрийн нутгаар зарим үед 15-17 м/с хүрч ширүүснэ.  Увс нуур болон Дархадын хотгор, Тэс, Эг, Үүр голын хөндийгөөр -19...-24 градус, Хангай, Хөвсгөл, Хэнтийн уулархаг нутаг, Завхан голын эх, Ерөө голын хөндийгөөр -13...-18 градус хүйтэн, Алтайн уулархаг нутгаар 0...+5 градус, Их нууруудын хотгор, Хангайн нурууны өвөр бэл, говийн бүс нутгийн баруун өмнөд хэсгээр +4...+9 градус дулаан, говийн бүс нутгийн хойд болон зүүн хэсгээр -1...-6 градус, бусад нутгаар -7...-12 градус хүйтэн байна.

    Улаанбаатар хотод:  Багавтар үүлтэй, цас орохгүй, салхи баруунаас 3-8 м/с, өдөртөө -8...-10 градус хүйтэн байна.

   Төлөв байдал: 12-нд баруун аймгуудын нутгийн баруун болон хойд, төвийн аймгуудын нутгийн баруун хэсгээр, 13-нд баруун аймгуудын нутгийн зүүн, говийн аймгуудын нутгийн хойд хэсэг, төв болон зүүн аймгуудын зарим газраар, 14-нд зүүн аймгуудын нутгийн зүүн хэсгээр, 15-нд Монгол-Алтайн уулархаг нутгаар цас орж, цасан шуурга шуурна. Салхи ихэнх хугацаанд 5-10 м/с, 12-нд нутгийн баруун хагаст, 13-нд говь, тал, хээрийн нутгаар, 15-нд Монгол-Алтайн уулархаг нутгаар 15-17 м/с хүрч ширүүснэ. 13-наас ихэнх нутгаар хүйтний эрч чангарч Увс нуур болон Дархадын хотгор, Завхан голын эх, Идэр, Тэс, голын хөндийгөөр шөнөдөө -34...-39 градус, өдөртөө -22...-27 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Хараа, Ерөө, Туул, Тэрэлж, Хэрлэн голын хөндийгөөр шөнөдөө -29...-34 градус, өдөртөө -16...-21 градус, Их нууруудын хотгор, Хангайн нурууны өвөр бэл, говийн бүс нутгийн баруун өмнөд хэсгээр шөнөдөө -16...-21 градус, өдөртөө -4...-9 градус, бусад нутгаар шөнөдөө -22...-27 градус, өдөртөө -10...-15 градус хүйтэн байна. 15-наас нутгийн баруун хэсгээр хүйтний эрч суларна.

Гал түймэр: 

Улаанбаатар хот, Чингэлтэй дүүрэг20 дугаар хорооны “Хувьсгалчид”-ын Г дүгээр гудамжинд байшин шатаж байна гэсэн дуудлагыг 01.10-ны өдрийн 10:59 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход иргэн Б-ийн 8х18 метрийн хэмжээтэй байшин шатаж байсныг ажиллаж унтраасан.

Улаанбаатар хот, Сонгинохайрхан дүүрэг 23 дугаар хорооны “Хангай”-н 37 дугаар гудамжинд байшин шатаж байна гэсэн дуудлагыг 01.10-ны өдрийн 20:28 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчдыг очиход иргэн Ж-ийн 8х5 метрийн хэмжээтэй байшингийн дээврийн хэсэг шатаж байсныг ажиллаж унтраасан.  

Сэлэнгэ аймаг, Баянгол сум Гонир багийн “Баянцогт” гэдэг газар /аймгийн төвөөс баруун урд зүгт 173 км-т/ том оврын автомашин шатаж байна гэсэн дуудлагыг 01.10-ны өдрийн 23:11 цагт хүлээн авсан. Тус аймгийн Онцгой байдлын газрын Баянгол сум дахь Гал түймэр унтраах, аврах 40 дүгээр ангийн алба хаагчдыг очиход иргэн Т-ын “ND-4254” загварын зүтгүүрийн хойд дугуй шатаж байсныг  ажиллаж унтраасан. 

Хүний үйл ажиллагаатай холбоотой осол: 

Төөрсөн, сураггүй болсон: Дорнод аймаг, Булган сум Хулсан шанд багийн "Оорцог" гэдэг газар /аймгийн төвөөс баруун урд зүгт 80 км-т, сумын төвөөс баруун урд зүгт 30 км-т/ 01.09-ний өдрийн 13:00 цагийн орчим Хэрлэн сумаас  Булган сумын Хулсан шанд багийн "Оорцог" гэдэг газрын чиглэлд суудлын автомашинтай явсан иргэн Э, Ш нар сураггүй болсон тухай дуудлагыг мөн өдрийн 21:22 цагт хүлээн авсан. Булган сумын мэргэжлийн ангийнхан иргэн Э /42 настай, эрэгтэй/, Ш/11 настай, эрэгтэй/ нарыг эрэн хайх ажиллагааг 01.09-ний өдрийн 21:30 цагаас зохион байгуулж 01.10-ны өдрийн 12:30 цагт тус багийн "Өвдөг" гэдэг газар /сумын төвөөс баруун урд зүгт 60 км/-аас эсэн мэнд олсон.    

Хөвсгөл аймаг, Тариалан сум Таван толгой багийн “Он сэртэн” гэдэг газар /аймгийн төвөөс зүүн урд зүгт 178 км-т, сумын төвөөс зүүн урд зүгт 18 км-т/ Тус сумын харьяат иргэн Б нь 01.10-ны өдрийн 20:00 цагт гэрээсээ гараад сураггүй болсон тухай дуудлагыг 23:25 цагт хүлээн авсан. ус аймгийн Онцгой байдлын газрын Тариалан сум дахь Гал түймэр унтраах, аврах 46 дугаар ангийн 10 алба хаагчдыг очиход  иргэн Б /47 настай, эрэгтэй, хөгжлийн бэрхшээлтэй/-ыг 01.11-ний өдрийн 00:47 цагаас эхлэн эрэн хайх ажиллагааг зохион байгуулж 02:55 цагт тус багийн “Зүлэгт” гэдэг газар /гэрээс зүүн хойд зүгт 8 км/-аас эсэн мэнд олсон.    

Хэнтий аймаг, Дархан сум Хараат багийн "Сувирагийн хоолой"   гэдэг газар /аймгийн төвөөс баруун зүгт 170 км-т, сумын төвөөс хойд зүгт 35 км-т/Суудлын автомашин цасанд суусан тухай дуудлагыг 01.10-ны өдрийн 19:20 цагт хүлээн авсан.Тус аймгийн Онцгой байдлын газрын Бор-Өндөр сум дахь Онцгой байдлын хэлтсийн алба хаагчдыг очиход иргэн Б-ын  “Лексус RX-450h” загварын суудлын автомашин цасанд суусан байсныг татан гаргасан.

Дорноговь аймаг, Айраг сум Нарт багийн "Цагаан дэл" гэдэг газар /аймгийн төвөөс баруун хойд зүгт 130 км-т, сумын төвөөс баруун зүгт 5 км-т/ суудлын автомашин цасанд суусан тухай дуудлагыг 01.10-ны өдрийн 20:04 цагт хүлээн авсан. Тус аймгийн Онцгой байдлын газрын Айраг сум дахь Гал түймэр унтраах, аврах 23 дугаар ангийн алба хаагчдыг очиход иргэн Б-ийн  "Адван" загварын суудлын автомашин цасанд суусан байсныг  татан гаргасан.

ОНЦГОЙ БАЙДЛЫН ЕРӨНХИЙ ГАЗАР