Б.Азжаргал: Ажилдаа дуртай, хамт олондоо хайртай болохоор өглөө ажилдаа ирэх аз жаргал мэдрүүлдэг
Онцгой байдлын байгууллагын 2023 оны "Шилдэг мэргэжилтэн" дэд ахлагч Б.АЗЖАРГАЛЫГ #Nematimes булангийн оны отгон зочноор урив. АЗЖАРГАЛДАА АЗ ЖАРГАЛ ХҮСЬЕ.
Батчулууны Азжаргал, 1993 онд Улаанбаатар хотод төрсөн. Аав, ээж маань Говь-Алтай аймгийн харьяат хүмүүс бий. “Жаргалант” сэргээн засах төвд хүлээн авагчаар 2019 оноос хойш ажиллаж байна. 5,9 настай хоёр охинтой. Ээлжтэй үедээ ажлаа дээд зэргээр гүйцэтгэж, амралтын хугацаандаа сайн ээж байхыг хичээдэг. Аль болох спортын олон төрлөөр хичээллэхийг зорьж байгаа. Айхтар том амжилт гаргахгүй ч аль ч төрлөөр тоглочихдог байх хэрэгтэй гэж боддог. Хөнгөн атлетикийн II зэрэгтэй. Сагс, волейбол, ширээний теннис, сүүлийн үед газрын теннисийг ихэд сонирхон, хичээллэж байна. Холын зайд гүйх дуртай. Хамгийн их нь 30 км-т гүйж байв.
“Жаргалант” сувилал Онцгой байдлын алба хаагчид болон гавьяаны амралтад гарсан ахмадууддаа үйлчилдэг. Мөн энгийн иргэдэд ч эрүүл мэндийн даатгалаар үйлчилж, амрааж сувилдаг. Би өөрийгөө ямар ч хүний ааш занг амархан олдог гэж боддог. Тиймээс олон хүнтэй харилцахдаа, ер нь ажилдаа маш дуртай. “Танд юугаар туслах вэ” гэж асуух маш сайхан. Энэ асуултаа чин сэтгэлээсээ асууж, хандахыг хүсдэг. Зарим хүн ил хэлдэггүй ч ямар нэг асуудал байгаа нь царайнаас нь харагддаг шүү дээ. Тийм хүмүүст илүү анхаарал тавих шаардлагатай. Тухайн үед стресстэж бухимдсан хүн байна уу гэхээс ааш муутай хүн гэж байдаггүй. Аяыг нь олох л чухал. Тэрнээс өдөр болгон ааш муутай байдаг хүн гэж үгүй. Ер нь утсаар захиалга авах, үйлчлүүлэгч ирээд сэтгэл хангалуун буцахад харилцаа маш чухал.
Манай хамт олон үнэхээр сайхан баг. Бид нэг хүн шиг сэтгэж, атгасан гар мэт эвтэй ажиллаж чаддаг. Ар гэрт асуудал гарвал цагийн зохицуулалтыг сайн хийнэ. Гэр бүлдээ зарцуулах цаг гаргаж, алба хаагчдаа маш сайн дэмждэг. Ажилдаа дуртай, хамт олондоо хайртай болохоор өглөө ажилдаа ирэх аз жаргал мэдрүүлдэг. Бие биеэ ойлгож, тусалдаг хамт олонтой байх үнэхээр гайхалтай. Илүү олон хүнд туслаж, сэтгэл ханамжтай буцаах сан. Алба хаагчдаа илүү сайн амраахын төлөө бид халуун дулаан сэтгэлээр үйлчилж, хамгийн сайн эмчилгээ хийхийг зорьдог.
Хүндэтгэсэн, ОБЕГ-ын харьяа “Жаргалант” сэргээн засах төв-113 дугаар ангийн шалган нэвтрүүлэгч, дэд ахлагч Б.Азжаргал
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2023/12/27
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2023/12/27
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2023/12/27
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
