УОК-ын Шуурхай штабаас Хөвсгөл аймгийн Онцгой комиссын гишүүдтэй цахим хурал хийж, өвөлжилтийн нөхцөл байдлыг эрсдэл багатай даван туулах, байгууллага хоорондын уялдаа холбоог хангах, малчид, иргэдийн үүрэг оролцоог нэмэгдүүлэх, урьдчилан сэргийлэх мэдээ, мэдээллийг шуурхай хүргэх үүргийг өглөө.
Тус аймгийн хэмжээнд нийт нутгаар цасан бүрхүүл тогтож, нутгийн баруун болон өмнөд хэсгээр дунд эрсдэлтэй, Цэцэрлэг, Жаргалант сумын нутаг, Галт, Бүрэнтогтох сумдын зарим багийн нутгаар зудын их эрсдэлтэй байна.
Баянзүрх, Улаан-Уул, Цагааннуур, Цагаан-Уул, Рэнчинлхүмбэ сумдад өвөлөилт хүндрэх эрсдэлтэй байгаа бөгөөд Алаг-Эрдэнэ, Улаан-Уул суманд отрын штаб байгуулан, төрийн үйлчилгээг шуурхай хүргэх арга хэмжээг хэрэгжүүлж байгааг танилцууллаа гэж Онцгой байдлын ерөнхий газраас мэдээллээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2023/12/20
Шинэ мэдээАймаг, сумдын гамшгаас хамгаалах төлөвлөгөөг бодит нөхцөлд туршин, тодотгол хийлээ
Монгол Улсын Шадар сайдын баталсан хуваарийн дагуу Онцгой байдлын ерөнхий газраас Архангай аймагт “Орон нутгийн Онцгой комисс, гамшгаас хамгаалах алба, мэргэжлийн анги, сайн дурын хэсэг, хүмүүнлэгийн байгууллага, хуулийн этгээдийн гамшгаас хамгаалах төлөвлөлт, бэлэн байдал, тэдгээрийн харилцан ажиллагаа” сэдэвт гамшгаас хамгаалах иж бүрэн сургуулийг энэ сарын 10-12-ны өдрүүдэд зохион байгууллаа.
2023/12/20
Шинэ мэдээГамшгаас хамгаалах иж бүрэн сургуулийн хүрээнд штабын дадлага хийлээ
Энэхүү иж бүрэн сургуулийн хүрээнд аймаг, сум, багийн түвшний удирдлага, гамшгаас хамгаалах алба, мэргэжлийн ангиудын харилцан ажиллагаа, мэдээлэл солилцоо, шийдвэр гаргалтын шуурхай байдал, хүч хэрэгслийн татан төвлөрүүлэлт, нүүлгэн шилжүүлэлт, түр байршуулалт, эмнэлгийн яаралтай тусламж, эрэн хайх, аврах ажиллагаа, гал түймэр унтраах, үер усны аюулаас хамгаалах, холбоо мэдээллийн тасралтгүй ажиллагааг дадлагажуулсан гэдгээрээ онцлог юм.
2023/12/20
Шинэ мэдээБүгд найрамдах Тажикстан улсын төлөөлөгчид дуурайлган үзүүлэх болон нүүлгэн шилжүүлэх дадлага сургуультай танилцав
Архангай аймагт зохион байгуулсан гамшгаас хамгаалах иж бүрэн сургуулийн тактикийн үзүүлэх дадлагад аймаг, сумдын Онцгой комисс, гамшгаас хамгаалах алба, мэргэжлийн анги, эрүүл мэнд, цагдаа, төрийн болон төрийн бус нийт 14 байгууллагын 207 хүн, 27 техник хэрэгсэлтэйгээр оролцож, гамшгийн үеийн хариу арга хэмжээ, хамтын ажиллагаа, шуурхай удирдлагын зохион байгуулалтыг дээшлүүллээ.
