Өвөлжилтийн нөхцөл байдал, авч хэрэгжүүлж байгаа арга хэмжээний талаар танилцуулж, санал солилцлоо

calendar_today2023-12-15

Дотоод мэдээ , Шинэ мэдээ

A- A A+

НҮБ-ын Хүмүүнлэгийн тусламжийн кластеруудын хуралд ОБЕГ-ын дэд дарга, бригадын генерал Б.Ууганбаяр оролцож, өвөлжилтийн нөхцөл байдал болоод УОК-ын шуурхай штабаас авч хэрэгжүүлж байгаа хариу арга хэмжээний талаар мэдээлэл танилцууллаа.

Мөн өвөлжилтийг даван туулахад хэрхэн хамтран ажиллах, хүмүүнлэгийн тусламж үйлчилгээг хэрхэн зохион байгуулах талаар харилцан санал солилцсон юм.

Сар бүр зохион байгуулдаг тус хурлаар ХХААХҮЯ болон ЦУОШГ-аас цаг агаарын төлөв байдал, өвөлжилтийн бэлтгэл, бэлэн байдлын талаар мэдээлэл өгч, оролцож байгууллагуудын сонирхсон асуултад хариулт өглөө.

Засгийн газрын 286 дугаар тогтоолын дагуу зудын байдалд үнэлгээ хийхэд 11 аймгийн 40 сум цагаан зудын, 11 аймгийн 48 сум цагаанаар зудархуу нөхцөлд байна. Энэ нь өмнөх 10 хоногтой харьцуулахад зудын байдалтай сумдын тоо 10 сумаар нэмэгдэж, өвөлжилт хүндэрч байгаа юм гэж Онцгой байдлын ерөнхий газраас мэдээллээ.

Уг нийтлэлийн бүх текстүүдийг хуулах

Уг нийтлэлийн бүх зургийг татах

Бусад мэдээлэл

calendar_today2023/12/15

Шинэ мэдээ

Д.Базаррагчаа: Монголд тохиолдож болзошгүй эрсдэлээр нь газар хөдлөлт, аянга, ган, зуд… гэж гамшгийг эрэмбэлдэг

Түгээмэл тохиолдох 10 гамшгийн аюулыг сонгож, Монгол Улсын газар нутгийн хэмжээнд аюулын өртөх байдлаар авч үзвэл газар хөдлөлтийн аюул (500 жилийн эргэн тохиох магадлалаар) хамгийн эхэнд эрэмблэгдэж байна. Дараа нь хохирол багатай ч тохиолдох магадлалаараа аянга орж байна. Тэгээд ган, зуд гээд үргэлжилнэ.

calendar_today2023/12/15

Шинэ мэдээ

Энэ сарын цаг агаарын ерөнхий төлөв

Сарын эхээр нутгийн зүүн хагаст, мөн нэгдүгээр арав хоногийн сүүлч, хоёрдугаар арав хоногийн ихэнх хугацаа болон гуравдугаар арав хоногийн эхэн үеүдэд ихэнх нутгаар хүйтэн жиндүү, салхи шуургатай, тогтворгүй цаг агаар зонхилох тул хол замд гарахдаа богино хугацааны цаг агаарын урьдчилсан мэдээг байнга авч ашиглаж, анхаарал болгоомжтой байхыг зөвлөж байна.