ОХУ-ын Онцгой байдлын яамны харьяа “Иргэний хамгаалалтын академи”, “Гал эсэргүүцэх албаны академи”, Санкт-Пербург хотын “Гал эсэргүүцэх албаны их сургууль”-ийн магистр, бакалаврын хөтөлбөрт Онцгой байдлын байгууллагын офицер, ахлагч бүрэлдэхүүн болон дотоод хэргийн их сургуулийн Онцгой байдлын сургуулийн сонсогч (1 дүгээр курс), ерөнхий боловсролын сургуулийн төгсөх ангийн сурагчдаас тус тус сонгон шалгаруулж суралцуулна.

Тавигдах шаардлага, бүрдүүлэх материал:

Магистр:

-Онцгой байдлын байгууллагад 4-өөс дээш жил ажилласан;

-Ахмад болон түүнээс дээш цолтой;

-Орос хэлний зохих түвшний мэдлэгтэй;

-Гадаад паспортын хүчинтэй хугацаа 2028 оны 12 дугаар сар хүртэл хүчинтэй байх;

-Биеийн ил харагдах хэсэгт шивээсгүй байх;

-Суралцах өргөдөл;

-Байгууллагын дарга, захирагчийн тодорхойлолт, хамт олны хурлын тэмдэглэл.

Бакалавр:

-Онцгой байдлын байгууллагын ахлагч бүрэлдэхүүн, ДХИС-ын Онцгой байдлын сургуулийн сонсогч, ерөнхий боловсролын сургуулийн төгсөх ангийн сурагч;

-Нас 18-21 хүртэл настай;

-170 см-ээс дээш өндөртэй байх

-Бүрэн дунд боловсролтой байх;

-Гадаад паспортын хүчинтэй хугацаа 2032 оны 12 дугаар сар хүртэл хүчинтэй байх.

Бүрдүүлэх баримт бичиг:

-Суралцахыг хүссэн өргөдөл;

-Байгууллагын дарга, захирагчийн тодорхойлолт, хамт олны хурлын тэмдэглэл;

-Бүрэн дунд боловсролын гэрчилгээ, (сүүлийн хагас жилийн дүнгийн хавсралт);

-Иргэний үнэмлэхийн хуулбар /e-mongolia/;

-Ял шийтгүүлж байгаагүй лавлагаа /e-mongolia/;

-Төрийн алба хаагчийн анкет;

-Цээж зураг /3*4/;

Шалгалтын бэлтгэлийг сайтар хангаж, дэвтэр бал, бүртгэлийн хураамж, биеийн тамирын хувцас бэлтгэж ирнэ.

Шалгалтын төрөл:

 “Математик”, “Орос хэл”, “Физик”, “Биеийн тамир”, “Ярилцлага”-ын шалгалтад тэнцсэн иргэдийн оноог ихээс бага руу эрэмбэлж, эрүүл мэндийн үзлэгийн дүгнэлтийг үндэслэн тэнцүүлнэ.

Бүрдүүлэх материалыг Онцгой байдлын ерөнхий газрын Захиргаа, эрх зүй, хүний нөөцийн газарт 2026 оны 04 дүгээр сарын 10-ны өдрийн 17:00 цаг хүртэл хүлээн авч, 04 дүгээр сарын 16, 17-ны өдрүүдэд шалгалтыг зохион байгуулна.

Шалгалт Онцгой байдлын ерөнхий газрын соёлын төвд 2026 оны 04 дүгээр сарын 16-ны өдрийн 10:00 цагт  “Математик”, “Орос хэл”, “Физик”-ийн шалгалтаар эхэлнэ.

Холбоо барих: Захиргаа, эрх зүй, хүний нөөцийн газар (51-262510)

ОНЦГОЙ БАЙДЛЫН ЕРӨНХИЙ ГАЗАР